Toshkent turizm va servis kolleji "tasdiqlayman"

ZARARLI HASHAROTLARGA QARSHI KURASH CHORALARI.

Kemiruvchi va hasharotlar asosiy kasallik tarqatuvchilar hisoblanadi. Ichak infeksiyasi va oziq-ovqatdan zaharlanishning oldi­ni olishda muhim chora zararli hasharotlarga qarshi kurashdir. Chunki ular har xil yuqumli kasalliklarning kelib chiqishiga sabab bo'ladi.

Ularga qarshi kurashish uchun kerakli profilaktik chora-tadbirlarni ko'rish kerak.

Umumiy ovqatlanish korxonalarida pashsha, suvarak va boshqa hasharotlar, kemiruvchilar mutlaqo bo'lmasligi kerak.

Umumiy profilaktik choralar qatoriga

• 
  korxona xududini toza tutish
  
• 
  oziq-ovqat mahsulotlarini to'g'ri saqlash
  
• 
  bino ichidan oziq-ovqat chiqindilarini tez va munta-zam olib chiqib ketish kerak;
  
• 
  bino ichini top-toza qilib saqlash;
  
• 
  kun issiq paytlarda ochiladigan eshik va oynalarni to'r
  yoki doka bilan berkitish;
  
• 
  muntazam ravishda dezinfeksiya qilib turish kerak.
  Suvaraklarni yo'qotish uchun xona ichida non ushoqlari,
  

taom qoldiqlarini qoldirmaslik kerak. Suvaraklar paydo bo'lgani sezilsa, darrov xona tozalanishi va dezinfeksiya qilinishi kerak.

Kemiruvchilar (kalamush, sichqon)ga qarshi kurashda ularni mexanik va kimyoviy usul bilan yo'qotish choralari ko'riladi. Kemiruvchilardan himoyalanish uchun quyidagi profilaktik ishlar amalga oshiriladi.

1. Devor burchaklari, ship, pol teshiklari va boshqa joylardagi hasharotlar va kemiruvchilar kira oladigan teshiklar mustahkam qilib berkitiladi.

2. Omborxona eshiklari tunuka bilan qoplanadi. Binolarni dezinfeksiya qilganda oziq-ovqat mahsulotlari va idish-tovoqlar xavfsiz joylarda, yopiq shkaflarda saqlanadi. Dezinfeksiyadan so'ng xonalarni juda yaxshi tozalash talab qilinadi.