Toshkent tibbiyot akademiyasi huzuridagi harbiy-tibbiyot fakulteti

5
 

---

104 
Artilleriyaning katta qismi bevosita motoo‟qchi batalyon va vzvodlar 
ixtiyoriga beriladi hamda asosan to„g„ridan-to„g„ri nishonga olib otish uchun 
qo„llaniladi. Qolgan artilleriya bo„linmalari xiyobon, maydon, stadion hamda o„t 
ochish amalini olib borish imkonini beradigan boshqa joylardagi o„t ochish 
pozitsiyalarini egallaydi.
Zenit-artilleriyasi bo„linmalari, qoidaga ko„ra, quruqlikdagi nishonlarga qarata 
o„t ochish uchun qo„llaniladi. Olib yuriladigan zenit-raketa kompleksining (PZRK) 
zenit vositalari binolarning tomlariga joylashtirilib, u yerda ular uchun start berish 
pozitsiyalari jihozlanadi. Aylana kuzatuv amalini olib borish mumkin bo„lgan 
binolarning tomlariga kuzatuv postlari (kuzatuvchilar) qo„yiladi.
Shahardagi (aholi punktidagi) jang, odatda, joyli tavsifga ega bo„ladi hamda 
har bir tayanch punkti va binoni qo„lda saqlash uchun olib boriladi. Ularni 
mudofaa qilayotgan bo„linmalar hatto qurshov sharotitida ham mustaqil ravishda 
jang olib borishga qodir bo„lishi kerak. Buning uchun, qoidaga ko„ra, motoo‟qchi 
batalyon (vzvod) taktik guruhlari tuzilib, ularning tarkibiga, tankchi (motoo„qchi) 
bo„linmalardan tashqari, artilleriya, zenit, muhandislik-sapyor va ognemyot 
bo„linmalari kiradi.
Agar dushman mudofaa qilinayotgan binoga bostirib kira olgan bo„lsa, u 
yaqin masofadan (tirab turib) o„t ochib, granatalar uloqtirib va qo„l jangida yo„q 
qilinishi kerak. Bunda bino tashqarisidagi tanklar, piyodalar jangovar mashinalari, 
to„plar, ognemyotlar va boshqa o„t ochish vositalari unga dushman rezervining 
yaqinlashishiga yo„l qo„ymaydi.
Qarshi hujumlar kam sonli kuchlar bilan dushman tomonidan bosib olingan 
alohida binolar va tayanch punktlarini qaytarish maqsadlarida o„tkaziladi.