Toshkent tibbiyot akademiyasi huzuridagi harbiy-tibbiyot fakulteti

Boshqaruvni tashkillashtirish
vaqtida motoo‟qchi batalyon (vzvod) 
komandiri harakatlar hududida shtatdagi va qo„shimcha berilgan bo„linmalar 
boshqaruv punktlari joylashgan joylar hamda ularning boshqa joyga ko„chib 
tartibini belgilashi; Qurolli Kuchlarning qo„shin turlari va maxsus qo„shinlari, 
chegara qo„shinlari hamda DXX va IIVga qarashli boshqa qo„shin tuzilmalarining 
(organlarining) hamkorlik qilayotgan bo„linmalari boshqaruv punktlarining 
joylashgan joylarni aniqlashtirib olishi; boshqaruv va hamkorlik mobaynida aloqa 
vositalarini qo„llash tartibini o„rnatishi kerak.
Boshqaruvni tashkillashtirish vaqtida harakatlar hududidagi aholi punktlari, 
yo„l kesishmalari (chorraxalar), ko„priklar, baland tepaliklar va boshqa muhim 
ob'ektlarning nomlanishlari kodlashtiriladi. Boshqaruv punktlari joylashadigan 
joylar, qoidaga ko„ra, aholi punktlari tashqarisidan tanlanadi, aholi punktlarida 
bo„lgan taqdirda esa – ularni qo„riqlash va mudofaa qilish talablarini bajarish 
bo„yicha belgilangan choralarni qo„llagan holda ma'muriy binolarga joylashtiriladi.