Toshkent tibbiyot akademiyasi huzuridagi harbiy-tibbiyot fakulteti

O„t ochib hujumni tayyorlash
artilleriya va aviatsiya tayyorgarligini o„z 
ichiga oladi. U belgilangan vaqtda boshlanib, motoo„qchi va tankchi 
bo„linmalarning hujumga o„tish marrasiga yetib borgunga qadar o„tkaziladi hamda 
dushman brigadasi (polki) mudofaasining ichki sarhadlariga qarata amalga 
oshiriladi.
O„t ochib hujumni tayyorlash to„g„ridan-to„g„ri nishonga olib o„t ochish 
uchun ajratilgan to„plar, tanklar, piyodalar jangovar mashinalari, tankka qarshi 
boshqariladigan raketa qurilmalari va boshqa shikast yetkazish vositalarining o„t 
ochish amallari bilan birgalikda yopiq o„t ochish pozitsiyalaridan turib vazifalarni 
bajaruvchi artilleriyaning bir yoki bir nechta olovli hujumidan, shuningdek, madad 
berish uchun ajratilgan aviatsiyaning zarbalaridan tashkil topishi mumkin.
O„t ochib tayyorgarlik ko„rishning davomiyligi va tuzilishi (olovli hujumlar 
va aviatsiya zarbalarining soni, zarba berish tartibi, o„t ochish amalini olib borish 
usullari, qo„llanilayotgan o„q-dori turlari va vazifalarni bajarish tartibi) o„t ochib 
dushmanga zaruriy darajada shikast yetkazilishini ta'minlashi va turli xil bo„lishi, 
ya'ni bir qolipga tushib qolmasligi kerak.
Bu davrda artilleriya va aviatsiya tomonidan dushman mudofaasining tayanch 
punktlaridagi uning OQQ hamda o„ta aniq qurol tizimlarini qo„llash va olib kelish 
vositalari, artilleriyasi, tankka qarshi vositalari, tirik kuchi va o„t ochish 
vositalarini, shuningdek, boshqaruv punktlari va boshqa ob'ektlar bostiriladi va 
yo„q qilinadi.