Toshkent tibbiyot akademiyasi huzuridagi harbiy-tibbiyot fakulteti

4.5. Qo„shinlar ishtirokidagi hujum tavsifiga ega maxsus 
harakatlarni amalga oshirish 
Qurolli mojaroni to„xtatish bosqichidagi qo„shinlar ishtirokidagi maxsus 
harakatlarni olib borish mobaynidagi hujum tavsifiga ega vazifalarni umumqo„shin 
bo„linmalari dushmanning qurolli tuzulmalari Davlat chegarasidan o„tish (yorib 
kirish) hamda bevosita mamlakatni chegaraga yondosh zonasi yoki ichki 
hududlarida qo„poruvchilik-terrorchilik faoliyatini yoyishning uddasidan chiqqan 
sharoitda bajaradilar.
Motoo‟qchi batalyon (vzvod) tomonidan qo„shinlar ishtirokidagi hujum 
tavsifiga ega maxsus harakatlarni olib borishning asosiy usullari quyidagilar 
hisoblanadi: jangovar-razvedka faoliyati mobaynida qidiruv ishlari, hujumlar 
uyushtirish va pistirmalar qo„yish, shuningdek, dushman ortidagi (dushman 
ortidagi hujumkor) harakatlarni tashkillashtirish va o„tkazish; dushman qurolli 
tuzulmalarini bevosita qurshovga olish va yo„q qilishni amalga oshirish, qurshov 
hududini oralab chiqishni (tozalashni) o„tkazish va boshqalar.
Motoo‟qchi batalyon (vzvod) qo„shinlar ishtirokidagi hujum tavsifiga ega 
maxsus harakatlarni olib borish mobaynidagi jangovar vazifalarni brigada 
tarkibida, mustaqil ravishda yoki vzvodlar (kuchaytirilgan jangovar, tankchi 
guruhlar) bilan bajarishi mumkin. Vaziyat sharoitlari, bajarilayotgan vazifalarning 
tavsifi va hajmidan kelib chiqqan holda motoo„qchi motoo‟qchi batalyon razvedka-
qidiruv guruhi, dushman ortida harakat qiluvchi (dushman ortida hujumkor harakat 
qiluvchi) otryad, shuningdek, dushman qurolli tuzulmalarini bevosita qurshovga 

---

207 
olish va yo„q qilishni amalga oshirayotgan turkum tarkibida harakat qilishi 
mumkin.
Motoo„qchi vzvod razvedka-qidiruv, zarbdor-razvedka, dushman ortida 
harakat qiluvchi (dushman ortida hujumkor harakat qiluvchi) yoki aeromobil guruh 
(otryad), taktik havo desanti, dushman jangovar guruhlarini (otryadlarini) bevosita 
qurshovga olish va yo„q qilishni amalga oshirayotgan kuch va vositalar, 
shuningdek, turli maqsadlar uchun mo„ljallangan rezervlar tarkibida harakat qilishi 
mumkin.
Qo„shinlar ishtirokidagi hujum tavsifiga ega maxsus harakatlarni olib borish 
mobaynida Motoo‟qchi batalyon (vzvod) jangovar vazifalarni shtatdagi texnika va 
vertolyotlarda yoki piyoda yurgan holda, qo„shin turlari va maxsus qo„shinlar, 
shuningdek, chegara qo„shinlari hamda DXX va IIVga qarashli boshqa qo„shin 
tuzulmalarining (organlarining) bo„linmalari bilan yaqindan hamkorlik qilgan 
holda bajarishi mumkin.
Umumqo„shin bo„linmalarining o„z vaqtida va uyushqoqlik bilan bo„lg„usi 
harakatlar hududi tomon yo„lga chiqishni (yetib borishni) amalga oshirish hujum 
tavsifiga ega harakatlarni muvaffaqiyatli olib borishning muhim omillaridan biri 
hisoblanadi.
Motoo‟qchi batalyonning (vzvodning) yo„lga chiqish yo„nalishi va bo„lg„usi 
harakatlar hududini sir saqlash uchun katta komandir tomonidan, zarurat 
tug„ilganda, boshqa yo„nalishlarda yo„lga chiqishi uchun namoyishkor guruhlarni 
tuzish ko„zda tutiladi.