Toshkent tibbiyot akademiyasi huzuridagi harbiy-tibbiyot fakulteti

4.1. Qo„shinlar ishtirokidagi maxsus harakatlarga hozirlik ko„rish 
Motoo‟qchi batalyonning (vzvodning) qo„shinlar ishtirokidagi maxsus 
harakatlarga tayyorlanishi quyidagilarni qamrab oladi: harakatlarni tashkillashtirish 
(har bir turdagi); bo„linmalarni tayyorlash; komandir, uning o„rinbosarlari va 
shtabning bo„ysunuvchi bo„linmalardagi amaliy ishi; harakatlar o„tkaziladigan 
hududga harakatlanish (tushirish, chiqish) hamda boshqa tadbirlar.
Vazifaga aniqlik kiritish
vaqtida motoo‟qchi batalyon (vzvod) komandiri 
odatdagi savollardan tashqari quyidagilarni tushunib olishi kerak: qanday 
harakatlarga tayyor turish kerakligini; qo„yilgan vazifani qanday huquqiy rejimda, 
Qurolli Kuchlar qo„shin turlari va maxsus qo„shinlarining, shuningdek, chegara 
qo„shinlari va DXX hamda IIVga qarashli boshqa qo„shin tuzilmalarining 

---

177 
(organlarining) qaysi bo„linmalari bilan hamkorlikda bajarish kutilmoqda; 
bo„lg„usi harakatlardagi motoo‟qchi batalyonning (vzvodning) roli va o„rni; ularni 
egallanishi qo„yilgan vazifaning bajarilishini ta‟minlaydigan eng muhim ob'ekt va 
marralar; harakatlar hududining chegaralari va ruxsat etilgan sarhadlari; 
motoo‟qchi batalyon (vzvod) harakatlarining ehtimoliy tavsifi, qurol-aslaha turlari 
va uni qo„llash tartibi; shaylik vaqti va boshqa masalalar.