Toshkent tibbiyot akademiyasi huzuridagi harbiy-tibbiyot fakulteti

O„t ochib hujumga madad berish
artilleriya va aviatsiya madadini o„z 
ichiga oladi. U bo„linmalarning hujumga o„tish marrasiga yetib borishi bilan 
boshlanadi hamda qarshi kurashayotgan dushmanning birinchi eshelonidagi 
brigada mudofaasini yengib o„tish bo„yicha ular harakatlarining ichki sarhadlari 
tomon uzluksiz davom ettiriladi.
Olovli tayyorgarlikdan o„t ochib hujumga madad berishga o„tish dushmanga 
sezdirmasdan, o„t ochish amalini olib borishda hyech qanday to„xtashlarsiz va 
uning zichligini kamaytirmagan holda amalga oshirilishi kerak.
Hujumning artilleriya madadi dushman mudofaasining tavsifi, hujum qilish 
usuli va mavjud shikast yetkazish vositalaridan kelib chiqqan holda turli uslublar 
bilan amalga oshiriladi: bir yoki ikkitalik olovli devor, bir, ikki yoki uchtalik 
olovni izchillik bilan jamlash, jamlangan o„t ochish amali va alohida nishonlar 
qarata o„t ochish, shuningdek, ularni birgalikda qo„llash. Barcha holatlarda yopiq 
o„t ochish pozitsiyalaridan olib borilgan o„t ochish amali to„g„ridan-to„g„ri 
nishonga olib otish uchun ajratilgan vositalarning o„t ochish amali bilan 
to„ldiriladi.