Тошкент шаҳар халқ таълими бош бошқармаси ўзбекистон республикаси ёшлар иттифоқи тошкент шаҳар кенгаши

Тошкент шаҳар халқ таълими бош бошқармаси бошлиғи ______________ А.Мамаджанов
Ўзбекистон Республикаси ёшлар иттифоқи Тошкент шаҳар кенгаши раиси ______________ Д.Раҳимова

Тошкент шаҳар халқ таълими бош бошқармасининг 2019 йил «___» _________даги _________-сонли, Ўзбекистон Республикаси ёшлар иттифоқи Тошкент шаҳар кенгашининг 2019 йил «___» _________даги _________-сонли қўшма қарорига 1-илова

“Конституция менинг тақдиримда” ижодий ишлар танловини ташкил этиш ва ўтказиш тартиби тўғрисида
НИЗОМ

I. Умумий қоидалар

1.1. “Конституция менинг тақдиримда” ижодий ишлар танлови Ўзбекистон Республикаси Конституциясининг мазмун-моҳиятини ўқувчилар онгига сингдириш, уларнинг ҳуқуқий саводхонлиги ва маданиятини янада ошириш, уларнинг дунёқараши ва фикрлаш доирасини кенгайтириш, ижодий фаолияти савиясини ошириш орқали маънавий баркамол шахс бўлиб етишишлари ҳамда жамиятда ўз ўринларини топишларида кўмаклашиш, иқтидорли, ижодкор ёшларни қўллаб-қувватлаш мақсадида ташкил этилади.

1.2. “Конституция менинг тақдиримда” ижодий ишлар танлови Тошкент шаҳар халқ таълими бош бошқармаси тасарруфидаги умумтаълим мактабларининг 5-11-синф ўқувчилари ўртасида ташкил этилади.
II. Танловнинг мақсади

2.1. “Конституция менинг тақдиримда” ижодий ишлар танловини ўтказишдан асосий мақсад:

Ўзбекистон Республикаси Конституциясининг мазмун-моҳиятини ўқувчилар онгига сингдириш;
ёшларни Ватанпарварлик руҳида тарбиялаш, миллий қадриятларимиз, маънавий меросимизга ҳурмат ва садоқат ҳиссини шакллантириш;
давлатимиз томонидан яратиб берилган имкониятлар, шарт-шароитлар ва улардан унумли фойдалана олиш масъулиятини ёшлар ўртасида кенг тарғиб этиш;
ёшларнинг дунёқараши ва фикрлаш доирасини кенгайтириш, ижодий қобилиятини ошириш орқали маънавий баркамол шахс бўлиб етишишлари ҳамда жамиятда ўз ўринларини топишларида кўмаклашиш;
иқтидорли, ижодкор ёшларни рағбатлантириш, қўллаб-қувватлаш ҳамда уларнинг ўз ақл-заковатини намоён этишига кўмаклашиш.