Тошкент шаҳар “баркамол авлод” болалар маркази ёзги соғломлаштириш оромгоҳлари ва майдончаларда

Тўгарак фаолиятининг асосий мақсади- “Кулолчилик” тўгарагининг мақсади ўқувчиларга кулолчилик ҳақида тушунча бериш, лойдан турли хил шаклдаги ва ҳажмдаги кулолчилик буюмларини тайёрлашни ўргатишдан иборат.

№	Мавзулар	Назарий соат	Амалий соат	Жами соат
1	Кириш. Кулолчилик ҳақида тушунча. Лой билан ишлаш.	1	1	2
2	Узум шохчасини ясаш.		2	2
3	Капалак қуртини ясаш.		2	2
4	Бойўғли ясаш.		2	2
5	Тошбақа ясаш.		2	2
6	Маймунча ясаш.		2	2
Жами:		1	11	12

1. 
   Кириш. Кулолчилик ҳақида тушунча. Лой билан ишлаш.
   

Кулолчилик ўзбек халқининг миллий ҳунармандчилик касбларидан бири бўлиб, бу касбнинг тарихи бир неча асрларга бориб тақалади. Кулолчилик касби мустаққилигимиз шарофати билан яна қайта туғилиб ривожланиб бормоқда.
Кулолчилик-қора лойдан мўъжизакор гўзаллик яратган шарқнинг энг қадимий ҳамда навқирон санъатидир. Бу қора лой саховат, ҳалоллик, эзгулик тимсолидир. Тупроқ инсонларнинг барча эҳтиёжини ўз зиммасига олган фаровонлик, тўкинлик, ризқ-рўз, гўзалликнинг энг олий кўриниш манбаидир.
Кулолчилик билан дунёдаги барча халқлар шуғулланади. Ўзбек кулолчилиги узоқ тарихга, ажойиб анъаналар, шакл, мазмун, ижодий жараён ва ўзига хос услубга эга. Сопол буюмлар содда бўлсада унинг кўриниши, қисмларнинг аниқлиги, мутаносиблиги, сақланиши, нақшларнинг бадиий жойланиши, шакл ва мазмуннинг бирлиги, уйғунлиги ўзбек кулолларини жаҳонга танитиб келмоқда.
Лой билан ишлаш ақлни, жисмоний кучни ва жону тани билан ёндошишни талаб қилади. Лой уюмидан бир қисмини ажратиб олиш, кафтларни бир маромда ишқалаб узунчоқ таёқчалар ясаш, уларнинг учини бирлаштириб, ғилдирак, тешиккулча, узук кабиларни ясаш, шунингдек, кафтларни доира шаклида ишқалаб, думалоқ шарлар, турли мева ва олма шаклларини ясаш, жуда ёқимли машғулотдир.
Лой билан ишлашда керак бўладиган усуллар:

• 
  Юмалоқлик – бу парча лойдан шар ясаш, унга олча, олма шаклларини беришдир;
  
• 
  Бир бўлак лойдан кафтда айлана ҳаракатлар билан шар ясаш;
  
• 
  Шар ясаш, сўнгра узунасига ҳаракатлар билан уни тухум, устун кабиларга айлантириш;
  
• 
  Яссилаш – думалоқ ясси нон ясалади, қулнинг холати доимо ўзгариб туради;
  
• 
  Чўзиш – думалоқнинг бир қисми чўзилади.
  
• 
  Суриш (ямаш) буюмнинг айрим қисмларини ўзаро бириктириш.
  

2.