Toshkent pediatriya tibbiyot instituti

X.N.Fayziev  va Umarova M.S. tomonidan tuzilgan “Sog’lom va bemor bola 
parvarishi” 2-kurs talabalari uchun o’quv-metodik  qo’llanmasiga 
 
TAQRIZ 
 
Metodik qo’llanma o’z ichiga “Sog’lom va bemor bolalarni parvarishi”  sikli 
bo’yicha hamma mavzularni o’z ichiga olgan. Tibbiyot hamshirasining xujjatlari, 
shuningdek shoshilinch xolatlarda shifokorgacha bo’lgan tez yordam choralari, 
yurak-qon tomir tizimi, hazm tizimi, nafas, peshob xosil qilish va ajratish 
a'zolarining kasalliklarida parvarishini amalga oshirish to’liq yoritgan.Bu 
talabalarni institutda o’quv va keyingi shifokorlik faoliyatida muovaqiyat 
qozonishlariga zamin yaratadi. 
Metodik qo’llanmada amaliy mashg’ulotlarni asosiy maqsadi,vazifalari, talabalarni 
bilishi va bajara olishi kerak bo’lgan ko’nikmalari,teoretik savollari,mavzuni 
maqsadlari  to’liq yozilgan. “Mavzuni maqsadi” bo’limida zamonaviy 
adabiyotlardan foydalanilgan. 
        Qo’llanma    lotin  alifbosida  reja asosida yozilgan bo’lib, hozirgi zamon 
talablariga javob beradi.  Bemor va sog’lom bolalarni parvarish etish bo’yicha 
o’quv-qo’llanmalarni etishmasligi sababli, ushbu qo’llanma talabalarga amaliyot 
va teoretik darslarda  amaliy ko’nikmalarni o’zlashtirishga yordam beradi. 
         Xulosa qilib aytganda tavsiya etilayotgan metodik qo’llanma talablarga javob 
beradi va 2-kurs talablari uchun foydalanish uchun nashrga berishga tavsiya etiladi.  
 
 
 
 
   TMA   Pediatriya kafedrasi  
   mudiri, t.f.d., professor                                  Karimjonov I.A. 
 

---

 
Kirish 
 
O’zbekiston Respublikasining “Ta'lim to’g’risida”gi Qonuni, “Kadrlar tayyorlash 
Milliy dasturi”, ”Sog’liqni saqlash tizimining isloh qilish Davlat  dasturi” 
to’g’risidagi Qonunlarning qabul qilinishi –milliy tibbiyotni rivojlanishiga katta 
imkoniyatlar yaratdi. 
       Hozirgi davr tibbiyotining asosiy e'tibori sog’lom turmush tarzini targ’ibot 
qilish,sog’lom avlodni tarbiyalash va kasalliklarning oldini olishga 
karatilgan.tibbiyot institutlarinig eng muhim vazifasiga esa e'tiborni yuqori 
malakali, mutaxassislarni tayyorlab etkazishga qaratishdan iborat.Bu bo’lg’usi 
mutaxassislarni xam nazariy, xam amaliy 
tayyorgarlik darajasini ,mutassil oliy o’quv yurti dargoxiga kelgan kunidan 
boshlab,oshirib borishni talab etadi. 
      Tibbiyot  institutining,pediatriya fakultetlarida “bolalarni parvarish etish 
“ asoslari kursini o’tilishi 2- kurs talabalarini sog’lom va bemor bolalarni parvarish 
etish, kichik va o’rta tibbiyot xodimlari ish uslublari bilan tanishtirib, 
tibbiyothamshirasining bu sohadagi qator vazifalarini mustaqil bajarishga imkon 
yaratadi. 
    Pediatriya  klinikalarida,  talabalar bu fanni o’zlashtirish jarayonida bolalarni 
davolash va kasallikni oldini olish muassasalari ishlari bilan tanishib,bolalar bilan 
alohida munosabatda bo’lishga o’rganadilar,ahloq-odob qoidalarini va sanitariya-
epidemiologik tartiblarini o’zlashtiradilar. Bu ularni institutda o’quv va keyingi 
shifokorlik faoliyatini muovaqiyatli bo’lishiga zamin yaratadi. 
    Ushbu  metodik  qo’llanmani,talabalarni amaliy mashg’ulot darslariga mustaqil 
tayyorlanishiga yordam berish maqsadida tuzildi. Demak,ushbu metodik qo’llanma 
darslikni o’rnini qoplamay talabalarni mustaqil tayyorgarligi uchun yordamchi 
o’quv qo’llanmasi hisoblanadi. 
 
 

---