Тошкент молия институти ҳузуридаги илмий даражалар берувчи dsc

капиталнинг ўзгариши тўғрисидаги ҳисоботларнинг мазмуни ва 
таркиби» нoмли учинчи бoбидa илғор хорижий тажрибалар асосида пул 
оқимлари ҳақидаги ҳисоботнинг методологик асослари ҳамда шерикчилик 
жамиятлари ва акциядорлик жамиятларида хусусий капитални тан олиш, 
баҳолаш ва молиявий ҳисоботини такомиллаштириш масалалари ёритилган.
Пул оқимлари ҳақидаги ҳисоботнинг 040-сатр «Умумишлаб чиқариш 
(устама ишлаб чиқариш) харажатлари учун тўловлар» моддасида маҳсулот 
таннархига билвосита олиб бориладиган умумишлаб чиқариш харажатлари, 
050-сатр «Бошқарув ва операцион харажатлар учун тўловлар» моддасида 
бошқарув ва операцион харажатлар учун амалга оширилган тўловларни акс 
эттириш тавсия этилди. Шу билан бир қаторда, ҳисоботнинг шаффофлигини 
ошириш мақсадида молиявий фаолият билан боғлиқ бўлимга 211-сатр 
«хусусий капиталнинг чегириб олиниши»ни киритиш таклиф қилинди.
Ҳисоботнинг «валюта маблағларининг ҳаракати тўғрисидаги маълумот-
нома»нинг кирим қисмида 303-сатр «Устав капиталига қўшилган ҳисса», 
304-сатр «Акцияларнинг хорижий акциядорларга сотилиши», 306-сатр 
«Олинган молиявий ёрдамлар»ни акс эттириш тавсия этилди. Бундан 
ташқари, маълумотноманинг чиқим қисмида 311-сатрни «Чет эл валютасини 
миллий валютага алмаштириш», 314-сатрни «Таъсисчиларга тақсимланган 
фойданинг ўтказиб берилиши ёки капиталнинг чиқарилиши», 316-сатр 
«хорижий акциядорларга дивидендларни ўтказиб бериш»ларни киритиш 
зарурияти асосланди.
Тадқиқотда пул оқимлари ҳақидаги ҳисоботнинг таркибий қисмлари 
бўйича ёндашувлар илмий таҳлил қилинди. Халқаро ва миллий стандартлар 
ҳамда трансформация талабига мувофиқ келадиган пул оқимлари ҳақидаги 
ҳисоботнинг такомиллашган шакли таклиф этилди. Ишда молиявий ҳолат 
тўғрисидаги ҳисобот ва «фойда ва зарарлар ҳамда бошқа тўплам даромадлар 
тўғрисидаги ҳисоботлар» асосида пул оқимлари тўғрисидаги ҳисоботни 
бевосита ва билвосита усуллар ёрдамида тузиш учун трансформация 
формулалари ишлаб чиқилди (5-жадвал).