Toshkent moliya instituti "soliqlar va soliqqa tortish"

17-masala.
Kompensatsiya to’lovlari oladigan jismoniy shaxslarning 
daromadlaridan olinadigan soliq hisob-kitobi bo’yicha masala.
Xodimning yanvar oyidagi mehnat haqi miqdori 400 000 so’mni tashkil etsa 
va unga xizmat safarlarida dvigatel hajmi 1,5 litr va quvvati 75 ot kuchiga teng 
bo’lgan «Neksiya» rusumli shaxsiy avtomobilidan foydalanganlik uchun 250 000 
so’m miqdorida kompensatsiya to’langan taqdirda, uning mazkur oy uchun 
daromad solig’i summasini aniqlang. 
18-masala.
Bir nechta imtiyozlar qo’llanilgan holda jismoniy shaxslardan 
olinadigan daromad solig’i hisob-kitobi bo’yicha masala (har oyda EKIHning 4 
baravari miqdorida daromad summasini chegirish tarzida imtiyoz huquqiga ega 
bo’lgan xodim tomonidan moddiy yordam va qimmatbaho sovg’a olinganda). 
Xodimning yanvar oyidagi ish haqi miqdori 450 000 so’mni tashkil etdi.
Unga 500 000 so’m moddiy yordam va qiymati 350 000 so’mga teng bo’lgan 
qimmatbaho sovg’a berildi. Mazkur daromadlarga soliq summasini aniqlang. 
19-masala.
Farzandlarining oliy o’quv yurtidagi o’qishi uchun to’laydigan 
xodimning daromadlaridan olinadigan soliq hisob-kitobi bo’yicha masala. 
O’g’li institutda ta’lim olayotgan xodimning yanvar oyidagi mehnat haqi 
miqdori 700 000 so’mni tashkil etdi. Uning arizasiga binoan yanvar oyida korxona
2010-2011 o’quv yili uchun 1 400 000 so’m miqdorida o’qishning yarmi uchun 
haq to’ladi, keyinchalik ushbu mablag’lar jismoniy shaxsning daromadlaridan 
ushlanadi. Xodim o’zining arizasida jami mehnat haqini korxonaga bo’lgan qarzini 
so’ndirgunga qadar ushbu maqsadda yo’naltirishni so’ragan. Xodimning 
daromadlaridan olinadigan soliq va boshqa to’lovlar summasini aniqlang.
20-masala.
O’rindoshlik 
asosida ishga qabul qilingan xodimning 
daromadlaridan olinadigan soliq hisob-kitobi bo’yicha masala. 
O’rindoshlik asosida ishlaydigan xodimga yanvar oyida 240 000 so’m ish 
haqi hisoblab yozildi. Xodim Soliq kodeksining 180-moddasi ikkinchi qismining 
8-bandiga muvofiq imtiyozga ega. Xodim korxona buxgalteriyasiga daromad 
solig’ini eng yuqori stavkada ushlab qolish haqida ariza taqdim etmagan. 
Xodimning daromadlaridan olinadigan soliq va boshqa to’lovlar summasini 
aniqlang.