Тошкент молия институти с. С

Ижтимоийлаштириш – буиндивидуализмнинг акси бўлиб, унинг асосида инсон шахслараро ўзаро алоқаларни мустаҳкамлайди ва у жамият кишисига айланади. Инсон мақсади жамиятнинг институсионаллашган тартиб ва қадриятлари асосида шаклланади ва у мутлақ мустақил субект тарзида кўрилиши мумкин бўлмай қолади. Инсонлар бир ижтимоий муҳитда яшайди ва ривожланади, улар ташкил топган жамият институтларининг маҳсулоти ҳисобланади, шунинг учун ҳам умумий институсионал асосга эга бўладилар. Бошқа томондан, ижтимоий муҳит бир жинсли бўлмайди, бу эса турли хил инсонлар мақсадларининг йўналишлари турлича эканлиги билан тушунтирилади.
Ижтимоий танлов – бушахсий фикрларни, бошқача қилиб айтганда,овоз беришни намойиш қилиш ва ҳисобга олиш жараёнидир.
Ижтимоий ўзаро таъсир– икки индивиднинг ўзаро жамоа бўлиб
бажарган иши бўлиб, бунинг натижасида ҳар бирининг фаровонлиги ўзгаради. Ижтимоий ўзаро ҳаракат товарли ва шахсларароларга бўлинади. Товарлараро ўзаро ҳаракатлар шахссизлик хусусиятига эга.
Индустрия 4.0. – бир-бири билан боғлиқ бўлган ишлаб чиқариш жараёнларининг кетма-кет занжири бўлиб, улар орасида рақамли кўринишдаги маълумотлар рақамли технологиялар воситасида қандайдир ишларни бажаради. Бу жараён компаниянинг ва мамлакатнинг рақобатбардошлилигини ошришга ҳизмат қилади.
Интероперабел билет – барча турдаги транспортга ягона билет.
Инсоний капитал– киши ва жамиятнинг турли-туман эҳтиёжларини қондиришда фойдаланиладиган билим, маҳорат ва тажрибалар йиғиндиси. Таълим, соғлиқни сақлаш ва бошқаинвестициялар катталиги билан ўлчанади. Бу атама америкалик иқтисодчи Г. Беккер (1930-2014 йиллар)томонидан киритилган ва ушбу назария учун у 1992- йилда Нобел мукофотини олган.
Институсионал хулқ– инсон томонидан ўзлаштирилган жамият меъёрлари билан белгиланадиган ахлоқий қоидалардир. Этика (ахлоқ- одоб)га оид жамият меъёрлари устунлик қилувчи институсионаллаштириш даражаси қанчалик юқори бўлса, инсоннинг аниқ танлаш ишидаги мақсади жамият мақсади билан шунчалик кўпмос келади.