Toshkent moliya instituti korxona iqtisodiyoti va innovasiyalarni boshqarish

Kursni  o‘qitishning  maqsadi  va  vazifalari:"Korxona  iqtisodiyoti  va  innovatsiyalarni 
boshqarish"  fanini  o‘qitishdan  maqsad  –  iqtisodiyot  sohasida  talabalarni,  mamlakat  real  sektor 
tarmoqlari  iqtisodiyotining  nazariy  va  amaliy  masalalari  to‘g‘risida  hamda  ushbu  tarmoqlarda  
innovatsion  faoliyatni  tashkil  etish  bo‘yicha  mutaxassislik  profiliga  mos  bilim,  ko‘nikma  va 
malaka shakllantirishdir. 

---

19 
 
Fanning asosiy vazifalari: 
- real sektorda  innovatsion iqtisodiyot mohiyati va turlarini o‘rganish; 
- innovatsion iqtisodiyot jarayonining mazmuni va asosiy bosqichlarini o‘rganish; 
-  innovatsion  faoliyat  tushunchasi,    innovatsion  faoliyat  funksiyalari  va  innovatsiyalar 
tasnifini bilish;  
-  real  sektor  korxonalarining  innovatsion  faoliyati    tashkiliy  shakllari  va  uning 
xususiyatlarini o‘rganadi. 
SHuningdek,  “Korxona  iqtisodiyoti  va  innovatsiyalarni  boshqarish”  fani  fundamental 
fanlardan biri bo‘lib, boshqa iqtisodiy fanlarni chuqur o‘rganishda asos bo‘lib xizmat qiladi. 
 “Korxona iqtisodiyoti va innovatsiyalarni boshqarish” o‘quv fanini o‘zlashtirish jarayonida 
amalga oshiriladigan masalalar doirasida talaba:  
- 
Korxonalarda  innovatsiya  iqtisodiyotining  mohiyati  va  turlari,  innovatsion 
jarayonning  mazmuni  va  asosiy  bosqichlarini  bilish,  Moliya  bozorlari  va  institutlari  faoliyatini 
o‘rganish,  moliyaviy  instrumentlarni  qo‘llay  olish.  Kapital  qo‘yilmalar,  ko‘chmas  mulkka  va 
qurilishga investitsiyalar kiritish haqida tushunchaga ega bo‘lish. Kapital  qurilishning investitsion 
jarayondagi o‘rni, kapital qo‘yilmalarni moliyalashtirish usullari, investitsion loyihalar va ularning 
tasnifini bilishi kerak; 
- 
Innovatsion  loyihalarni  baholash  uslublarini  qo‘llay  olish,  qimmatli  qog‘ozlarning 
investitsion  sifatini  baholay  olish,  qimmatli  qog‘ozlar  portfelini  shakllantirish,  chet  el 
investitsiyalarini  jalb  qilish,  chet  el  kapitalini  jalb  etish  bo‘yicha  investitsion  siyosatni  ishlab 
chiqish,  to‘g‘ridan  –  to‘g‘ri  chet  el  investitsiyalarining  xususiyati  va  tartibga  solish  uslublarini 
tahlil qilish va baholash amaliyoti bo‘yicha ko‘nikmalarga ega bo‘lishi kerak; 
- 
mamlakatlar  bo‘yicha  tavakkalchilik  va  chet  el  investitsiyalarini  tartibga  solish 
uslublari,  real  sektor  korxonalarining  innovatsion  siyosati  bo‘yicha  bilimlarni  shakllantirishning 
asosiy maqsadlari, vazifalari va yondashuvlari haqida malakalariga ega bo‘lishi kerak.