Toshkent moliya instituti iqtisodiyot nazariyasi

Asosiy adabiyotlar: Qo’shimcha adabiyotlar:

21-MAVZU. MAKROIQTISODIY NISBATLAR VA MUVOZANATLIK.

REJA:

1. 
   Iqtisodiy muvozanatlikning mazmuni va uning turlari.
   
2. 
   Iqtisodiy muvozanatlikni aniqlash usullari.
   
3. 
   Iqtisodiy mutanosiblik va uning turlari.
   
4. 
   O’zbekistonda iqtisodiy muvozanatlikni ta’minlashning iqtisodiy o’sishdagi ahamiyati.
   

1. Iqtisodiy muvozanatlikning mazmuni va uning turlari.

Milliy iqtisodiyot darajasida to’liq bandlikka erishish, inflyatsiyani eng kam darajaga keltirish va barqaror iqtisodiy o’sishga erishish, makroiqtisodiy muvozanatlikni taqozo etadi. Ijtimoiy ishlab chiqarish va umuman takror ishlab chiqarish ham iqtisodiyotning barcha darajasida, ya’ni mikro va makroiqtisodiyot darajasida iqtisodiy muvozanatlikni ta’minlanib turilishini zarur qilib qo’yadi. Shunday ekan, iqtisodiy muvozanatlik, iqtisodiy o’sish va takror ishlab chiqarish jarayonining eng muhim va asosiy shart-sharoiti bo’lib yuzaga chiqadi. Iqtisodiy muvozanatlikga ta’rif berishdan oldin iqtisodiy fan tarixida bu muammo bo’yicha ancha keng tarqalgan yondashuvlarga aloh.ida e’tiborni qaratamiz.

Iqtisodiyot fan tarixida iqtisodiy muvozanatlik tushun–chasiga turlicha qarashlar mavjud bo’lib, ularni umumlashtirilgan holda ikkita yo’nalishga ajratish mumkin.