Toshkent moliya instituti iqtisodiyot fakulteti im-61 guruh talabasi mamatqobilov ibrohimning kurs ishi bo’yicha yozgan ishiga taqriz

TOSHKENT MOLIYA INSTITUTI IQTISODIYOT FAKULTETI IM-61 GURUH TALABASI MAMATQOBILOV IBROHIMNING KURS ISHI BO’YICHA YOZGAN ISHIGA
TAQRIZ
Bugungi raqobatli bozor munosabatlari sharoitida korxona va tashkilotlarning samarali faoliyat olib borishi ko’p jihatdan moliyaviy munosabatlarga bog’liqdir. Ayniqsa buxgalteriya hisobini yuritish, analitik tahlillarning puxta amalga oshirilishi muhim ahamiyatga ega bo’lgan jarayonlardan biri sanaladi. Xizmatlar sohasida bu kabi vazifalar bilan shug’ullanuvchi mutaxassislarga esa kun sayin talab oshib bormoqda.
Yuqoridagi ma’lumotlardan kelib chiqgan holda talaba Mamatqobilov Ibrohim o’zining kurs ishini “Standartlar, mahsulot va xizmatlarni sertifikatlashtirish” mavzusida yozgan.
Talaba tomonidan yozilgan kurs ishi tarkibi kirish, 4 ta reja, xulosa, foydalanilgan adabiyotlar ro’yxatidan tashkil topgan bo’lib, har bir reja aniq hamda kurs ishini yozish bo’yicha ko’rsatma asosida tuzilgan. Kurs ishida " Standartlar, mahsulot va xizmatlarni sertifikatlashtirish " ning asosiy maqadi, mohiyati, qanday sohalarda tadbiq etishimiz mumkinligi va ko'plab boshqa jihatlari atroflicha yoritib berilgan.
Kurs ishida bazi ju’ziy kamchiliklarga ham yo’l qo’yilgan bo’lib, imlo va stilistik xatolar mavjudligi shular jumlasidandir. Ammo yuqoridagi kamchiliklar ishning umumiy sifatiga unchalik katta salbiy ta’sir ko’rsatmaydi.
Umuman olganda, talaba Mamatqobilov Ibrohim o’zining nazariy bilimlarini kurs ishi bilan bog’lagan holda " Standartlar, mahsulot va xizmatlarni sertifikatlashtirish " bo’yicha yozgan kurs ishini komissiyaga himoya qilishga tavsiya etiladi.

Ilmiy rahbar

S. Ma`murov