Toshkent moliya instituti ijtimoiy soha iqtisodiyoti fanidan

Низом капитали (маблағ). Низом капиталини шакллантириш, муассисларнинг ўз ҳиссасини қўшиши тартиби, низом капиталига пул маблағлари ва (ёки) мол-мулкни киритиш муддатлари низомда ва таьсис шартномасида белгиланади.
Бошқа ташкилий-ҳукуқий шаклдаги нотижорат ташкилотларини рўйхатдан ўтказишда низом капиталини шакллантириш мажбурий эмас, аммо, қонун ҳужжатларида бунга тўғридан тўғри тақиқ мавжуд эмаслиги туфайли, муассислар ўз ихтиёрига кўра низом капиталини шакллантиришга ҳақлидирлар.
Аъзолик бадаллари. Кириш ва аъзолик бадаллари аьзоликни назарда тутувчи ташкилий - ҳуқуқий шаклларда, яъни: жамоат бирлашмалари, диний ташкилотлар, партиялар, уюшмаларда мол-мулкни шакллантариш манбалари сифатида иштирок этади. Аъзолик бадалларини киритиш тартиби, муддатлари ва миқдори жамоат бирлашмаси ёки диний ташкилотнинг низомида назарда тутилади.
Шундай қилиб, ташкилотнинг ҳар бир аъзоси томонидан киритиладиган бадалларнинг миқдорлари, муддатлари ва тартибини белгилашга нисбатан табақалаштирилган ёндашиш имконияти туғилади. Бунинг устига, жамоат бирлашмаси ёки диний ташкилотнинг низомида кириш ва аъзолик бадалларини киритиш назарда тутилмаслига ҳам мумкин.
Муассисларнинг мақсадли бадаллари. Муассислар, нотижорат ташкилотини тузиш ҳақида қарор қабул қилар эканлар, низом капитали сифатида маблағларни беришдан ташқари, ташкилотга низом мақсадлари ва вазифаларини амалга ошириш учун зарур мол-мулкка эгалик ҳуқуқини ҳам ўтказишлари мумкин. Хайрия ижтимоий фондлари ва юридик шахс ҳисобланган бошқа ижтимоий фондлар уларга муассислари томонидан берилган мол-мулкка эгалик қилиш ҳуқуқига эгадирлар. Бундай мулк ташкилот балансида асосий воситалар сифатида қайд этилади.
Ихтиёрий эҳсонлар ва грантлар. Нотижорат ташкилотининг ташкилий - ҳуқуқий шаклидан қатъи назар, юридик ва жисмоний шахсларнинг ихтиёрий эҳсонлари ташкилот мол-мулкинии шакллантириш манбаи бўлиши мумкин.
Тадбиркорлик фаолиятидан олинган даромадлар. Қонун ҳужжатларида нотижорат ташкилотларига тадбиркорлик фаолияти билан шуғулланиш ҳуқуқи берилган. Аммо, бу ерда эътиборга олиш шарт бўлган муҳим қоидалар мавжуд. Нотижорат ташкилотлари фақат ўз низом мақсадларига мос келадиган доираларда тадбиркорлик фаолияти билан шуғулланишлари мумкин.

2.