Toshkent moliya instituti baholash ishi va investitsiyalar kafedrasi

4. Xaridlar va savdolarni o’tkazish. Savdolar qatnashchilari, ularni funktsiyalari, jarayoni, shartnomalar va majburiyatlar.
Qurilish ishlarida olib boriladigan tenderlar Vazirlar Mahkakmasining 2003 yil 3 iyuldagi 302-sonli “Kapital qurilishda tanlov savdolari tizimini takomillashtirish chora-tadbirlari to’g’risida”gi qaroriga muvofiq amalga oshiriladi. Tenderlarning tartibi qarorning 2-ilovasida “O’zbekiston Respublikasi hududida kapital qurilishda tanlov savdolari to’g’risida”gi Nizomda aks ettirilgan. Shuningdek, xom ashyo, materiallar, butlovchi buyumlar va asbob-uskunalar xarid qilish bo’yicha tender savdolari Vazirlar Mahkakmasining 2000 yil 21 noyabrdagi 456-sonli “Tender savdolarini tashkil etishni takomillashtirish chora-tadbirlari to’g’risida”gi qaroriga muvofiq amalga oshiriladi. Xom ashyo, materiallar, butlovchi buyumlar va asbob-uskunalar xarid qilish bo’yicha tenderlarning tartibi qarorning ilovasida “Xom ashyo, materiallar, butlovchi buyumlar va asbob-uskunalar xarid qilish bo’yicha tender savdolari o’tkazish to’g’risida”gi Nizomda keltirilgan.