Toshkent moliya instituti baholash ishi va investitsiyalar kafedrasi

Portfolioning maqsadi

Psixologik-pedagogik adabiyotlarda ko‘plab kompetentlikga yo‘naltirilgan pedagogik texnologiya haqidagi materiallar mavjud. Ana shunday kasbiy ta’lim tizimida faol foydalaniladigan texnologiyalardan biri «Portfolio» hisoblanib, uning mazmun-mohiyatini turli mualliflar turlicha izohlashadi, jumladan: magistrantning turli sohalardagi mehnatining majmuasi bo‘lib, u nafaqat o‘quv natijalarini, balki unga erishish uchun sarflangan kuch va mehnatni ham ko‘rsatadi; o‘qishning ma’lum oralig‘i davrida magistrant erishgan yutuqlar ko‘rgazmasi; magistrantning o‘quv natijalarini maqsadga yo‘naltirilgan, tizimli va uzluksiz baholash hamda o‘z-o‘zini baholash shakli. Magistrantning topshiriqlarni tanlashda bevosita ishtirokini ta’minlovchi hamda o‘z ishlarini o‘zi tahlil qilish va baholash imkonini beruvchi talaba ishlarining antologiyasi, ya’ni talabada refleksiya qobiliyatini shakllantiruvchi pedagogik texnologiya.

Umummadaniy, umumkasbiy va kasbiy kompetentlikni shakllantirishning asosiy bosqichlari mazmuni va magistrantning faoliyati natijalarining bahosi
(Bu bo‘limga talabaning o‘quv, o‘quv-uslubiy, ilmiy, o‘qishdan tashqari sohalar bo‘yicha erishgan yutuqlari hamda kompetetentlikni shakllantirish maqsadiga erishishdagi faoliyati natijalarining tahlili talabaning o‘zi tomonidan yoritiladi).