Toshkent moliya instituti a. A. Karimov, J. E. Kurbanbayev

Inventarlash natijalariga ko‘ra kamomadi aniqlangan asosiy vositalarni hisobdan chiqarish

T/r	Muomalalar mazmuni	Debet	Kredit
1	Asosiy vositalarning boshlang‘ich (tiklash) qiymatini hisobdan chiqarish	9210-“Asosiy vositalarning chiqib ketishi”	0100-“Asosiy vositalar”
2	Hisoblangan eskirishni hisobdan chiqarish	0200-“Asosiy vositalarning eskirishi”	9210-“Asosiy vositalarning chiqib ketishi”
3	Asosiy vositalarni hisobdan chiqarishda qayta baholash saldosi hisobdan chiqariladi	8510-“Mulkni qayta baholash bo‘yicha tuzatishlar”	9210-“Asosiy vositalarning chiqib ketishi”
4	Kam chiqqan asosiy vositalar obyektining chiqib ketishidan ko‘rilgan zarar summasi aks ettiriladi	5910-“ Kamomadlar va qiymatliklarning buzilishidan yo’qotishlar”	9210-“Asosiy vositalarning chiqib ketishi”
5	Daromadni aks ettirish (undiriladigan summa asosiy vositaning chiqib ketishidan ko‘rilgan zarar summasidan yuqori) - aybdorlar aniqlangan holda	4730-“Moddiy zararni qoplash bo‘yicha xodimlarning qarzi” - aybdor yoki moddiy javobgar shaxsdan undirilishi lozim bo‘lgan kam chiqqan asosiy vositaning bozor qiymatiga	5910-“ Kamomadlar va qiymatliklarning buzilishidan yo’qotishlar” - kam chiqqan asosiy vositaning chiqib ketishidan ko‘rilgan zarar summasiga, 9310-“Asosiy vositalarning chiqib ketishidan foyda” - aybdor shaxs yoki moddiy javobgar shaxsdan undirilishi lozim bo‘lgan kam chiqqan asosiy vositaning bozor qiymati bilan uning chiqib ketishidan ko‘rilgan zarar summasi o‘rtasidagi farqqa
6	Zararni aks ettirish (kam chiqqan asosiy vositaning bozor qiymati asosiy vositaning chiqib ketishidan ko‘rilgan zarar summasidan past) - aybdorlar aniqlangan holda	4730-“Moddiy zararni qoplash bo‘yicha xodimlarning qarzi” - aybdor yoki moddiy javobgar shaxsdan undirilishi lozim bo‘lgan kam chiqqan asosiy vositaning bozor qiymatiga; 9430-“Boshqa operatsion xarajatlar” - aybdor yoki moddiy javobgar shaxsdan undirilishi lozim bo‘lgan kam chiqqan asosiy vositaning bozor qiymati bilan uning chiqib ketishidan ko‘rilgan zarar summasi o‘rtasidagi farqqa	5910-“ Kamomadlar va qiymatliklarning buzilishidan yo’qotishlar” kam chiqqan asosiy vositaning chiqib ketishidan ko‘rilgan zarar summasiga
7	Kam chiqqan asosiy vositaning chiqib ketishidan ko‘rilgan zararni aks ettirish - aybdor shaxs aniqlanmagan holda	9430-“Boshqa operatsion xarajatlar”	5910-“ Kamomadlar va qiymatliklarning buzilishidan yo’qotishlar”

Inventarizatsiyalash xatlovlari va inventarizatsiyalash dalolatnomalari barcha inventarizatsiyalanadigan mol-mulkka kamida 2 nusxada tuziladi. Agar inventarizatsiyalash ma’lumotlari bilan buxgalteriya hisobi ma’lumotlari o‘rtasida nomuvofiqlik aniqlansa, komissiya solishtirma qaydnoma tuzadi. Ortiqcha va kamomad narsalarning summalari ushbu qaydnomada buxgalteriya hisobida baholanishiga muvofiq ko‘rsatiladi.
Hisobot yilida o‘tkazilgan inventarizatsiyalashlar natijalari “Inventarizatsiyalashda aniqlangan natijalar qaydnomasi”da umumlashtiriladi.