Toshkent kimyo-texnologiya instituti yangiyer filiali noorganik moddalar kimyoviy texnologiyasi fakulteti umumiy fanlar kafedrasi

8. «Bo’sh o’rin» o’yini (8-rasm). Boshqaruvchi o’yinchidan boshqa hamma o’yinchilar bir-biridan bir qadam oraliqda aylana hosil qilib turadilar. Boshqaruvchi aylana atrofida yura turib o’yinchilardan birini asta turtadi va u yoxud bu tomonga qarab yuguradi. Qo’l tekkan o’yinchi esa qarama-qarshi tomonga yugurib tezroq o’z o’rnini, ya’ni bo’sh turgan joyni egallab olishga harakat qiladi. Aylana atrofiga yugurib kelib, bo’sh joyni birinchi egallab olgan o’yinchi o’sha erda turib qoladi. Etib kela olmagan o’yinchi boshqaruvchi bo’lib qoladi. O’yin yana davom ettiriladi. Yugurish musobaqasini oyoqda sakrash bilan ham almashtirish mumkin.

9. «Sakrobodom chumchuqlar» o’yini (9-rasm). Maydonga diametrini katta olib doira chiziladi. Onaboshi, ya’ni «katta qush» doira tashqarisida turib doiraga sakrab kiradilar, «katta qush» esa ularni tutishga harakat qiladi (qo’lini tegizadi). «Chumchaqlar» doira ichida qo’proq turishga va tutilib qolmaslikka harakat qilib, doiradan sakrab chiqadilar. Agar «katta qush» doira ichida turgan «chumchuqni» ushlasa, unda chumchuq bilan «katta qush» o’rinlarini almashtiradilar. O’yin shu tarzda davom ettiriladi.

10. «To’pni boshdan oshirib uzatish» o’yini (10-rasm). O’yichilar 2-4 ta komandaga bo’linadilar. Har bir komanda alohida-alohida bir qatordan kolonna bo’lib turadi (komandalarning oralig’idagi masofa 2-3 m). Kolonna o’yinchilari orasidagi masofa esa bir qadamdan oshmaydi. Har bir komandaning birinchi bo’lib turgan o’yinchilari qo’lida voleybol yoki basketbol to’plari bo’ladi. Hamma o’yichilar qo’llarini yuqoriga ko’tarib turadi. O’qituvchini signal bergandan keyin o’yinchilar to’plarini boshlaridan oshirib orqalarida turgan o’yinchilarga uzatadi. Kolonna oxirida turgan o’yinchilar to’pni olgach, o’z komandalarining o’ng tomonidan yugurib kelib, kolonna oldida birinchi bo’lib turib oladi va to’pni boshlaridan oshirib uzatadi O’yinni boshlagan o’yinchi kolonna oxiriga etkandan so’ng to’pni oladi va o’ng tomondan yugurib kelib yana birinchi bo’lib turadi va to’pni yuqoriga ko’taradi. To’p uzatishni tez bajargan komanda g’olib hisoblanadi.