Toshkent kimyo-texnologiya institiuti "tasdiqlayman"

Topshiriq.

 Matnni o‘qing va unga sarlavha toping. 

 

O‘zbekistonimiz  har  taraflama  taraqqiyot  bosqichiga  kirdi.  Zamon  esa  hayotni 

yaxshilashning turli-tuman yo‘llarini izlab topishni taqozo etmoqda.   

 

Ma’lumki,  yer  yuzida  hozir  katta-kichik  jami  252  mamlakat  bor.  Albatta,  ular  turli 

asoslarga  ko‘ra  muayyan  o‘rinlarga  ajratiladi.  Ular  orasida  yer  maydoni  jihatidan 

O‘zbekistonimiz  jahonning  55-mamlakati  hisoblanadi.  Aholining  soni  bo‘yicha  42-o‘rinda 

turadi.  

 

Iqtisodiy  jihatdan  O‘zbekistonning  o‘rnini  belgilayotganda  shuni  aslo  unutmasligimiz 

lozimki, uzoq yillar mustamlaka iskanjasida hayot kechirishga  majbur bo‘lgan biron-bir davlat 

va xalq ro‘shnolik ko‘rgan, ya’ni iqtisodiy taraqqiyotga erishgan emas. Qariyib bir yarim asrga 

cho‘zilgan  so‘nggi  mustamlaka  davrida  O‘zbekistonimiz  ham  jahon  iqtisodiy  taraqqiyotidan 

ko‘p orqada qolib ketganini hech kim inkor eta olmaydi. Albatta, biz o‘ta rivojlangan (AQSH, 

Kanada,  GFR,  Buyuk  Britaniya,  Fransiya,  Italiya,  Yaponiya)  yoki  rivojlangan  (Avstraliya, 

Argentina,  Braziliya,  Janubiy  Afrika  Respublikasi,  Janubiy  Koreya,  Indoneziya,  Meksika, 

Rossiya, Saudiya Arabistoni, Turkiya, Xitoy, Hindiston) davlatlar safida emasmiz. Lekin jahon 

moliyaviy-iqtisodiy  inqirozi  davom  etayotganiga  qaramay,  O‘zbekistonimiz  har  yili  8  foizdan 

kam bo‘lmagan miqdorda yalpi ichki mahsulot ishlab chiqarishda yuqori darajalarga erishyapti. 

Yana  bir  yutug‘imiz  shuki,  O‘zbekistonimizning  tashqi  qarzi  mamlakat  bir  yillik  yalpi  ichki 

mahsulotining o‘rtacha 10 foizidan oshmaydi.  

 

Dunyoda  mamlakatlarga  xalqining  bashariyat  umumtaraqqiyoti,  ya’ni  tamadduniga 

qo‘shgan  hissasiga  asoslangan  holda  o‘rin  ajratish  tajribasi  ham  bor.  Bu  –  aynan  ma’naviyat 

degani.  Ko‘hna  tarix  mobaynida  bashariyat  tamadduni  ravnaqiga  ulkan  hissa  qo‘shgan 

mamlakatlar  esa  u  qadar  ko‘p  emas:  Xitoy,  Hindiston,  Turon  (O‘zbekiston),  Eron,  Vavilon 

(Iroq), Vizantiya, Arabiston (Saudiya), Misr, Yunoniston, Italiya, Angliya, Fransiya, Germaniya, 

Rossiya...  Markaziy  Osiyoning  tamaddunga  beshik  bo‘lgan  markazlari,  asosan,  bugungi 

O‘zbekiston  Respublikasi  hududiga  to‘g‘ri  keladi.  Bu  ro‘yxatni  hech  kim  o‘z  ixtiyoricha 

kengaytirib  yuborishga  haqli  emas.  Bu  ro‘yxatning  o‘rtalarida  O‘zbekiston  degan  muqaddas 

diyorning nomi ham mustahkam o‘rin olib turibdi! Shu nuqtai nazardan, biz – shak-shubhasiz, 

buyuk xalqmiz. Turon deganda esa, asosan, bugungi O‘zbekiston hududi ko‘zda tutiladi. Chunki 

qadim-qadimdan  tamaddun  aynan  shu  hududda  ravnaq  topgani,  bizdan  ne-ne  buyuk  zotlar 

yetishib chiqqani – hammaga ma’lum. 

 

Jahon  intellektual  mulk  tashkiloti  va  yetakchi  xalqaro  biznes-maktablardan  biri  – 

«INSEAD»  tomonidan  2012-yili  o‘tkazilgan  tadqiqotlar  natijalariga  ko‘ra  mamlakatimizning 

dunyoda oldingi o‘rinlardan birini egallab turgani ma’lum qilindi.  Inson kapitalining taraqqiyot 

darajasi  bo‘yicha  O‘zbekistonimiz  141  mamlakat  orasida  53-o‘rinni  egallab  turibdi.  Ta’lim 

tizimini  rivojlantirish  darajasi,  jumladan,  ta’lim  maqsadlari  uchun  ajratiladigan  mablag‘lar 

bo‘yicha mamlakatimiz yer yuzida 5-o‘rinni ishg‘ol etadi.