Тошкент кимё-технология институти «Информатика, автоматлаштириш ва бошқарув» кафедраси «ихтисосликка кириш»

Касбий малакавий талаблар
Бакалавр:
автоматлаштириш ва бошқариш тизимлари лойиҳалаш соҳасида: назорат қилиш воситалари, ростлашни ва технологик ва техник тизимлар бошқариш тизимларини, бошқаришнинг принципиал схемаларини лойиҳалаш билиши керак;
технология соҳасида: намунавий ва янги технологик жараёнларни ўрганиш, яратиш ва жорий қилиш;
автоматлаштириш ва бошқариш тизимларидан фойдаланиш соҳасида: монтаж қилиш, созлаш ва ишга туширишни ҳамда янги автоматлаштирилган ва бошқариш тизимларини синовдан ўтказиш ва ишлаб чиқаришга жорий килишни амалга ошириши керак;
илмий соҳада: намунавий усуллар асосида технологик жараёнлар ва қурилмалар, техник тизимлар, автоматлаштириш тизимлари ва воситалари бўйича илмий-амалий тадқиқотлар ўтказиш, белгиланган дастур асосида тажрибавий тадқиқотларда иштирок этиш ва ўтказилган тажриба натижалари асосида ҳисоботлар, тахлиллар ва бошқа хужжатларни тузиш;
ишлаб чиқаришни ташкил этиш ва бошқариш соҳасида: иш ўринларини ташкил қилишни, ишлаб чиқариш жараёнида техникавий назорат қилишни, синов ўтказишни ва сифатни бошқаришни; ижрочилар жамоаси ишини ташкил қилишни, фикрлар турли бўлган шароитда бошқарув қарорларини қабул қилишни; бирламчи технологик, конструкторлик ёки ишлаб чиқариш бўлимлари ишини ташкил қилишни ва бошқаришни;
иқтисодий соҳада: муҳандислик ечимларни техникавий-иқтисодий таҳлил қилишни, техникавий-иқтисодий кўрсаткичларни аниқлашни, бизнес режани тузишни;
таълим соҳасида: узлуксиз таълим муассасаларида ўқув жараёнини ташкил этиш ва ўтказилишига кўмаклашиш (ўқув персонали), тадқиқотларда иштирок этиш, маълумотларни тўплаш, умумлаштириш ва таҳлил этиш, умумий ўрта, ўрта махсус касб-ҳунар таълими муассасаларида ўқув машғулотларини ўтказиш, замонавий педагогик ва ахборот технологияларини эгаллаш ва тадбиқ этишни билиши керак.
Касбий маҳорат бўйича ўз билими ва кўникмаси билан эгаллаган лавозимида мустақил фаолият кўрсатиш талабларига ва профессионализмга жавоб бериши керак.