Тошкент кимё -технология институти ҳузуридаги илмий даражалар берувчи dsc

Диссертация мавзусининг диссертация бажарилган олий таълим 
муассаси илмий-тадқиқот ишлари билан боғлиқлиги. Диссертация 
тадқиқоти Тошкент давлат техника университети илмий-тадқиқот ишлари 
режасининг ИОТ-2015-7-25 «Кўпфункционал хоссали импорт ўрнини 
эгалловчи полимер ва олигомерларни олишни янги технологиясини яратиш» 
(2015–2016 йй.), ДУК Тошкент кимё-технология илмий-тадқиқот институти-
нинг А12-003 «Органик бўёқлар ва кремнийсақловчи полимерларни саноатда 
ишлаб чиқариш технологияси» (2014–2015 йй.) мавзуларидаги амалий ва 
инновацион лойиҳалар доирасида бажарилган. 
Тадқиқотнинг мақсади полиэтилен ва сувли-дисперс бўёқлар учун 
гетерофункционал 
кремний 
сақлаган 
органик 
бирикмалар 
асосида 
антипиренлар олиш технологиясини яратишдан иборат. 
Тадқиқотнинг вазифалари: 
гетерофункционал гуруҳларни ўзида тутувчи кремний сақловчи 
бирикмалар олиш учун силикатлар, тетраэтоксисилан, силикагелларнинг 
мочевина аддукти билан бирга карбон (стеарин) кислоталари, эпихлоргидрин 
билан таъсирлашишини аниқлаш; 
кремнийорганик бирикмалар асосида фосфат, амин ва галоген гуруҳлар 
тутган олигомерли антипиренларни олиш ва улар асосида полиэтиленнинг, лок-
бўёқ қопламаларини модификациялаш усулини яратиш; 
олинган антипиренлар ва улар асосида модифицирланган полиолефинлар 
ва қопламалар олиш технологиясини яратиш.
Тадқиқот объекти силикатлар, карбон кислоталар, галоидэпоксидлар, 
силоксанлар, аминлар, фосфатлар, боратлар. 
Тадқиқот предмети натрий ва гексафторсиликатлари, тетраборат, 
эпихлоргидрин, тетраэтоксилан, стеарин кислоталари, паст босимли полиэтилен 
ва сувли дисперс бўёқ қопламаларини олиш технологиялари. 
Тадқиқот усуллари. Диссертацияда ИК-, ЯМР-, ЭПР- спектроскопия, 
дифференциал-термик 
таҳлили, 
дифференциал-сканерлаш 
таҳлили 
ва 
материалларнинг ёнувчанлигини аниқлаш, вискозиметрия, элемент таҳлили, 
гравиметрик усуллар қўлланилган.