Toshkent irrigatsiya va melioratsiya instituti

3
§. 
Yer uchastkasiga nisbatan huquqlarni vujudga kelish va bekor 
bo‘lish asoslari 
Yuridik va jismoniy shaxslarning yer uchastkasiga nisbatan bo‘lgan huquqiy 
munosabatlari,  ya’ni  yer  resurslariga  nisbatan  bulgan  huquqi  unsur  holda  kelib 
chiqmasdan, balki qonunlarda belgilangan tartib va asoslarda vujudga keladi. Yer 
uchastkasiga  nisbatan  bulgan  huquqining  vujudga  kelish  asoslari  va  tartibi 
O‘zbekiston  Respublikasining  Yer  kodeksi,  «Fermer  xo‘jaligi  to‘g‘risida»gi, 
«Qishloq  xo‘jalik  kooperativlari  (shirkat  xo‘jaligi)  to‘g‘risida»gi,  «Dehqon 
xo‘jaligi  to‘g‘risida»gi,  «Ijara  to‘g‘risida»gi  va  boshqa  qonunlarda  belgilangan. 
Yer  uchastkalariga  nisbatan  meros  qilib  qoldiriladigan  umrbod  egalik  qilish 
huquqi;  doimiy  egalik  huquqi;  doimiy  va  muddatli  foydalanish  huquqi;  mulk 
huquqi; ijara huquqi vujudga kelishi mumkin. 
Yer uchastkalariga nisabtan huquqni vujudga kelishi avvalambor yer ajratish 
kabi  huquqiy  tadbirni  amalga  oshirish  bilan  vujudga  keladi.  Yer  uchastkalarini 
ajratib berish O‘zbekiston Respublikasi Vazirlar Mahkamasi, viloyatlar, Toshkent 
shahri, tumanlar, shaharlar hokimlari tomonidan amalga oshiriladi. 
Yer  uchastkalariga  nisbatan  huquqni  vujudga  kelishida  yer  berish  jarayoni 
muhim  ahamiyatga  ega.  Yer  berish  yer  uchastkalariga  nisbatan  huquqni  vujudga 
kelishiga nisbatan asosiy vosita bo‘lib, bu jarayon 4 ta  bosqichlardan iborat.