Toshkent irrigatsiya va melioratsiya instituti

Yerga  bo‘lgan  huquqning  xilma-xilligi  tamoyili  O‘zbekiston  yer 
huquqining  o‘ziga  xosligini  tavsiflaydigan  tamoyil  bo‘lib,  yerga  davlat  mulk 
huquqi  mavjudligi  sharoitida  yerni  foydalanish  jarayoniga  tortishning  maqbul 
shakllari  joriy  etilganligini  ifodalaydi.  Bu  tamoyil  yer  uchastkasidan  foydalanish 
xohishi  bo‘lgan  yuridik  va  jismoniy  shaxslarga  keng  imkoniyat  yaratadi.  U  yer 
huquqiy  munosabatlarida  bozor  iqtisodiyoti  qonun  qoidalarining  joriy  etilishiga 
zamin  yaratadi,  ularni  demokratlashtiradi  va  libyerallashtiradi.  Bu  tamoyilning 
amal  qilishi  yerga  bo‘lgan  turli  xil  huquq  egalarining  huquq  va  majburiyatlari 

---

19 
 
 
tengligini  ta’minlaydi.  Masalan,  Yer  kodeksining  17-moddasiga  binoan  yuridik 
shaxslar yer uchastkasiga nisbatan besh xil huquq, ya’ni: 
1) doimiy egalik qilish;  
2) doimiy foydalanish;  
3) muddatli (vaqtincha) foydalanish;  
4) ijaraga olish; 
5) mulk huquqi asosida yer uchastkalariga ega bo‘lishlari ko‘rsatilgan. SHu 
moddaga  binoan  jismoniy  shaxslar  ham  yer  uchastkasiga  nisbatan  xuddi  shunday 
besh  xil  huquqga  ega  bo‘lib,  lekin  birinchi  huquq  turi  doimiy  egalik  qilish  deb 
emas, balki myeros qilib qoldiriladigan umrbod egalik qilishdeb belgilangan.