Toshkent farmatsevtika instituti dori turlari texnologiyasi kafedrasi biofarmatsiya

1.
 
O‘quv fani o‘qitilishi bo‘yicha uslubiy ko‘rsatmalar 
Kadrlar  tayyorlash  Milliy  dasturining  asosiy  maqsadlaridan  biri  har  tomonlama  kamol 
topgan  yuksak  ma’naviyatli  shaxsni  tarbiyalash,  uning  ilmiy  dunyoqarashini  shakllantirishdan 
iborat.  
“Biofarmatsiya”  fani  hozirgi  davrning  mazkur  dolzarb  muammosiga  qaratishdan  iborat. 
Ushbu fan mutaxassislik mahoratini egallash, dori vositalarining biofarmatsiyasi bo‘yicha amaliy 
va  nazariy  ko‘nikmalar  hosil  qilish,  dorilar  biofarmatsiyasiga  ta’sir  ko‘rsatadigan  omillarni 
o‘rganish, dori vositasining sifatini baholash, biosamaradorligini aniqlashdan iborat. 
Mamlakatimizda  ta’lim  tizimiga  e’tiborning  tobora  yuqoriligi  sababli,  o‘quv  darsliklarni 
yangilash  va  xorijiy  o‘quv  adabiyotlaridan  yanada  ko‘proq  foydalanishni  taqozo  etmoqda. 
Mazkur  fan  dasturini  tuzishda  xorijiy  adabiyot  ma’lumotlari  ham  kiritildi.  Bu  talabalarning 
“Biofarmatsiya” fani bo‘yicha olgan bilimlarni yanada mustaxkamlashga yordam beradi.  
Ushbu  dastur  O‘zbekiston  Respublikasi  Prezidentining  “O‘zbekiston  Respublikasini 
yanada  rivojlantirish  bo‘yicha  harakatlar  strategiyasi  to‘g‘risida”gi  2017  yil  7  fevraldagi  PF-
4947-son  farmoni  va  O‘zbekiston  Respublikasi  Oliy  va  o‘rta  maxsus  ta’lim  vazirligining 
“O‘zbekiston  Respublikasi  Prezidentining  2017  yil  13  fevraldagi  81-  sonli  buyrug‘ida 
belgilangan vazifalar hamda xorijiy adibiyotlarni tarjima qilish asosida ishlab chiqilgan.  
 Hozirgi  kunda  Mustaqil  Respublikamizda  barkamol,  har  tomonlama  rivojlangan 
mutaxassislarni tayyorlash va ularga ta’lim berish jarayoniga o‘qitishning yangi, zamonaviy usul 
va  vositalaridan  samarali  foydalanilmoqda.  O‘qituvchi  bilim  olishning  yagona  manbai  bo‘lib 
qolishi  kerak  emas,  balki  talabalar  mustaqil  ishlash  jarayonining  tashkilotchisi,  maslahatchisi, 
o‘quv jarayonining boshqaruvchisi bo‘lishi lozim.  
“Biofarmatsiya”  fanining  nazariy  va  amaliy  muammolari,  o‘qitishdagi  innovatsiyalar, 
o‘quv dasturi, ma’ruza matnlari, tayyorlanayotgan keyslar, amaliy topshiriqlar, nazorat savollari 
ular  asosida  ishlab  chiqiladigan  lokal  hujjatlarni  har  tomonlama  nazariy  va  amaliy  jihatdan 
o‘rganish va tahlil etishni dolzarbligidan dalolat beradi. 
“Biofarmatsiya”  fani  umumkasbiy  fanlar  blokiga  kiritilgan  bo‘lib,  boshqa  mutaxassis 
fanlarning nazariy va uslubiy asosini tashkil qiladi.   
Fanni  o‘qitishdan  maqsad  -  talabalarda  biofarmatsiya  haqida  nazariy  bilim  va  amaliy 
ko‘nikmalarni shakllantirishdan iborat.