Toshkent farmasevtika instituti toksikologik kimyo kafedrasi

CHinligini aniqlash. Sud kimyosi tahlillarida kodein uchun quyidagi reaksiyalardan foydalaniladi.
1. Umumiy cho‘ktiruvchi reaktivlar bilan – Dragendorf, Mayer va boshqa reaktivlar bilan cho‘kma hosil qiladi.
2. Marki reaktivi kodein bilan och binafsha rang hosil qiladi. Reaksiyaning sezgirligi 0,05 mg kodeinga teng.
3. Frede reaktivi kodein bilan - iflos ko‘k rang hosil qiladi. Bu rang bir ozdan so‘ng zangori rangga o‘tadi. Ayni reaksiya kodein uchun juda ham xarakterli bo‘lib, sezgirligi 0,1 mkg ga teng.
4. Temir (III) xlorid hamda geksatseanoferrat (III) kaliy aralashmasi kodein bilan rang hosil qilmaydi, chunki kodeinda erkin fenol guruhi yo‘q, u guruh metil radikali bilan bog‘langan. Bu reaksiya ham kodeinni morfindan farqlash uchun qo‘llaniladi.
5. YUpqa qatlamli xromatografik aniqlash. Sistema: xloroform-atseton-dietilamin 50:30:2, aniqlovchi reagent modifikatsiyalangan Dragendorf reaktivi purkalsa Rf=0,40 oralig‘ida qo‘ng‘ir-qizg‘ish rangdagi dog‘ hosil qiladi.
6. UB-spektri bo‘yicha aniqlash. Kodein asos holidagi spirtli eritmasi 286 nm spektral maksimum hosil qiladi.
7. IQ- spektrlari – 1052, 1268, 1500 sm^-1 ga teng.