Toshkent farmasevtika instituti toksikologik kimyo kafedrasi

KIRISH

1. 
   O‘quv fani o‘qitilishi bo‘yicha uslubiy ko‘rsatmalar
   

Giyohvand moddalar tahlili fanini o’qitishning asosiy maqsadi va vazifalari talabalarda inson o’z hayotida turli xil surunkali va o’tkir zaharlanishga uchrashi, ko’plab zaharli moddalarga duch kelishi, ayrim hollarda ular organizmni zaharlanishiga sababchi bo’lishi mumkinligini, og’ir patologik o’zgarishlar hamda zaharlanish hollarini aniqlash, zaharlanishni oldini olish choralarini o’rgatish.
Giyohvand moddalar tahlili fani bo’yicha talabalarning bilim, ko’nikma va malakalariga quyidagi talablar qo`yiladi. Talaba:

• 
  organizmni zaharlanishiga sababchi bo’lishi mumkin bo’lgan giyohvand vositalar va psixotrop moddalar, og’ir patologik o’zgarishlar hamda zaharlanish hollari ro’y berish ehtimolini baholash va tushuntirish to’g’risida tasavvurga ega bo’lishi;
  
• 
  biologik ashyodagi giyohvand vositalar va psixotrop moddalar hamda ularning metabolitlarini ajratib olish, ularning chinligi va miqdorini aniqlash usullarini yaratish, zarur bo’lgan hujjatlarni rasmiylashtirish uchun mutaxassislik bilimlariga ega bo’lmoq, toksikologik kimyo ekspertizasini olib borish jarayonlarini bilishi va ulardan foydalana olishi;
  

giyohvand vositalar va psixotrop moddalar bilan o’tkir zaharlanish holatlarida zaharlanish sabablarini aniqlash va tez tibbiy yordam berish maqsadida zamonaviy tezkor tahlil usullaridan foydalana olish va muammoli vaziyatlarda to’g’ri yechim topa olish ko’nikmalariga ega bo’lishi kerak.