Toshkent davlatiqtisodiyot universiteti b. Y. Xodiyev, sh sh. Shodmonov

26-BOB. XALQARO IQTISODIY INTEGRATSIYA VA 

0 ‘ZBEKIST0NNING JAHON HAMJAMIYATIGA KIRIB

BORISHI

Hozirgi vaqtda jahon iqtisodiyotida ikki tendensiya amal qilmoqda. 

Bir tomondan,  mamlakatlar  o ‘rtasidagi  iqtisodiy  aloqalaming  rivoj­

lanishi, xalqaro  savdoning erkinlashuvi, kommunikatsiya va axborot 

zamonaviy tizimi, texnik jihatdan jahon andozalari va me’yorlarining 

yaratilishi natijasida jahon xo‘jaligining yaxlitligi, uning globallashu- 

vi kuchaymoqda. Ayniqsa, bu jarayon transmilliy korporatsiyalaming 

faoliyatlari orqali aniq namoyon bo‘lmoqda. Boshqa tomondan, minta- 

qaviy  darajada  mamlakatlarning  iqtisodiy jihatdan  yaqinlashuvi  va 

o‘zaro  aloqadorligi ro‘y berib, jahon xo‘jaligining nisbatan mustaqil 

markazlarini tashkil etish yo‘nalishida rivojlanayotgan yirik mintaqa- 

viy integratsion tuzilmalar shakllanmoqda.

Shunga  ko‘ra,  ushbu  bobda  xalqaro  integratsiyaning  mohiyati, 

maqsad va shakllari bayon etiladi. Xalqaro iqtisodiy integratsiyaning 

turlicha nazariyalari tahlil etilib, jahondagi asosiy integratsion guruh- 

lar,  shuningdek,  0 ‘zbekistonning jahon hamjamiyatiga kirib  borishi 

va tashqi iqtisodiy faoliyatining asosiy yo‘nalishlari ochib beriladi.