Toshkent davlat yuridik universitetining akademik halollik va tadqiqot etikasi kodeksi

 
 
I. Umumiy qoidalar va asosiy tushunchalar 
1. Mazkur Kodeks universitet talabalari, professor-oʻqituvchilari, 
xodimlari, oʻquv jarayonini tashkil etuvchi tarkibiy boʻlinma rahbarlari, 
tadqiqotchilar (doktorantlar va mustaqil izlanuvchilar)ning akademik halolligi 

---

3 
masalalariga adolatli, oshkora, toʻgʻri munosabatni shakllantirish va ularning 
tadqiqot etikasiga rioya qilishini taʼminlash maqsadida ishlab chiqilgan. 
2. Kodeksning maqsadi akademik halollik va tadqiqot etikasi qoidalarini 
belgilash, ularni amalga oshirish va nazorat qilishni taʼminlash, shuningdek 
talabalar (bakalavriat va magistratura talabalari), tadqiqotchilar, pedagog 
xodimlarning oʻquv hamda ilmiy tadqiqot doirasida akademik halollik, taʼlim va 
mehnat faoliyatidagi tadqiqot etikasi tamoyillarini belgilashdan iborat. 
3. Akademik halollik va tadqiqot etikasi qoidalari akademik faoliyat 
(oraliq, yakuniy nazorat ishlari, darslik, oʻquv qoʻllanmalar, oʻquv-uslubiy 
qoʻllanmalar, fan moduli kontentlari) va ilmiy tadqiqot faoliyatining barcha 
shakllarini (barcha turdagi ilmiy ishlarni) tayyorlash, ularga taqriz berish, 
opponent boʻlish, iqtiboslar keltirish va nashr etishda universitetning barcha 
xodimlari, doktorant va mustaqil izlanuvchilariga taalluqlidir.
4. Asosiy tushunchalar: 
Akademik halollik
– oʻqish va yozma ishlarni bajarishda (testlar, 
esselar, bitiruv malakaviy ishlari va dissertatsiyalar), oraliq va yakuniy 
nazoratlar, imtihonlarda savollarga javob berishda, tadqiqot olib borishda, oʻz 
bilimini ifoda etishda, pedagog xodimlar va boshqa xodimlar hamda talabalar 
bilan munosabatlarda halollikni ifoda etadigan qadriyatlari va tamoyillarining 
majmui. Bunda tadqiqotni amalga oshirish jarayonida maʼlumotlar, ilmiy 
natijalar, usullar, protseduralar va ilmiy nashrning holati haqqoniy va xolisona 
koʻrsatilishi, plagiat (koʻchirmachilik), mavjud maʼlumotlarni soxtalashtirish 
(falsifikatsiya) va qalbaki maʼlumotlarni yaratish (fabrikatsiya) ga yoʻl 
qoʻymaslik lozim.