Toshkent davlat yuridik universiteti xalqaro tashkilotlar huquqi

Tinchlik saroyi — XS joylashgan manzil 
 

---

175 
1907 yildan 1913 yilgacha Hakamlik sudi doimiy palatasi uchun 
amerikalik sanoatchi va filantrop Endryu Karnegi tomonidan hayriya 
qilingan mablag'lar evaziga qurilgan, Tinchlik saroyi Gaaga markazida 7 
ga maydoniga ega sayilgohda joylashgan. 
Granit, peschanik va qizil g'ishtdan qurilgan bino, frantsuz me'mori 
Luis Kordon`e tomonidan loyihalashtirilgan, kulrang cherepitsali yassi 
tomga ega bo'lib, o'zida roman va vizantiya stillari uzviy birikmasini 
hosil qiladi. Oldida maysazorlar mavjud fasad qismida, bir nechta 
haykallar qad rostlagan, ular Saroy mohiyatidan darak beradi. Chap 
tarafda bo'yi 80 metr bo'lgan kurantli minora joylashgan. Bino ichidagi 
yog'och skul`pturalar, vitrajlar, mozaika, gobelenlar va san'at asarlari, 
ikkita Gaaga tinchlik konferensiyalarida ishtirok etgan davlatlardan 
hadya sifatida olingan bo'lib, jahon madaniyati turfa xilligini namoyon 
etadi. 
1946 yildan Sud, xuddi XSDP (uning o'tmishdoshi) singari, 
Saroyga egalik va tasaruf qiladigan Karnegi Niderlandiya fondi 
tomonidan unga ajratilgan xonalarni egallaydi. 1978 yilda saroy ortida 
qurilgan binoning yangi qanotida sud`yalarning xizmat xonalari va Sud 
maslahat honasi joy egallagan. U 1997 yilda soni keskin oshib ketgan ad 
hoc sud`yalarini joylashtirish uchun yanada kengaytirilgan. Xuddi shu 
yili saroyning cherdak qismi yangidan jixozlangan, u yerda Sud 
Kotibiyati mansabdor shaxslari uchun yangi xizmat xonalari joylashgan. 
Xalqaro ommaviy huquq masalalari bo'yicha dunyodagi eng ulkan 
kutubxona (Tinchlik saroyi kutubxonasi, u Sud kutubxonasidan farqli 
ommaviy hisoblanadi) mavjud bo'lgan hamda Xalqaro huquq Gaaga 
akademiyasi yozgi kurslari o'tkaziladigan Saroyga, ish kunlarida tashrif 
buyurish mumkin. Ma'lumotni Karnegi Fondidan olish mumkin (tel.: + 
31 70 302 4137). 
Tinchlik saroyida ishlaydigan Sud xamda boshqa tashkilotlar tarixi 
va faoliyati muzeyi, 1999 yil mayda janob Kofi Annan va sud`ya Stiven 
M. Shvebel – o'sha vaqtda mos ravishda Birlashgan Millatlar Tashkiloti 
Bosh kotibi va Sud raisi tomonidan ochilgan. U binoning janubiy 
qanotida joylashadi