Toshkent davlat yuridik universiteti

Raqobatning huquqiy asoslari 
Mustaqil Oʻzbekistonning raqobat qonunchiligining ilk tartibga 
solinishi 1992-yil 2-iyuldagi “Monopolistik faoliyatni cheklash va raqobat 
toʻgʻrisida”gi qonunga borib taqaladi. 
Keyinchalik mamlakatimiz iqtisodiyotining rivojlanishi hamda 
diversifikatsiyalanishi, tovar va moliya bozorlarining yanada rivojlanishi, 
sogʻlom raqobatni shakllantirish vazifasining dolzarblashuvi natijasida 
mavjud qonunchilikni takomillashtirish zaruriyati yuzaga keldi. Buning 
natijasida 1996-yil 27-dekabrda Oʻzbekiston Respublikasining “Tovar 
bozorlarida monopolistik faoliyatni cheklash va raqobat toʻgʻrisidagi”gi 
qonuni qabul qilindi.
Hozirgi paytda raqobat huquqiy munosabatlarni tartibga soluvch eng 
asosiy 
maxsus 
qonun 
bu 
2012-yil 
6-yanvardagi 
Oʻzbekiston 
Respublikasining “Raqobat toʻgʻrisida”gi qonunidir.
Raqobat huquqiy munosabatlarini tartibga solishda Oʻzbekiston 
Respublikasi Vazirlar Mahkamasi tomonidan chiqarilgan normativ-
huquqiy hujjatlar ham muhim rol oʻynaydi. Oʻzbekiston Respublikasi 
Vazirlar Mahkamasining 2013-yil 20-avgustdagi 230-son qarori bilan 
tasdiqlangan “Tovar va moliya bozorida xoʻjalik yurituvchi subyektning 
yoki shaxslar guruhining ustun mavqeyini e’tirof etish hamda tovar yoki 
moliya bozorida ustun mavqeni egallab turgan xoʻjalik yurituvchi 
subyektlarning davlat reyestrini yuritish tartibi toʻgʻrisida”gi, “Xoʻjalik 
yurituvchi subyektlarni majburiy tarzda boʻlish yoki ajratib chiqarish 
masalalarini koʻrib chiqish tartibi toʻgʻrisida”gi, Oʻzbekiston Respublikasi 
Vazirlar 
Mahkamasining 
2013-yil
27-dekabrdagi 344-son qarori bilan tasdiqlangan “Xoʻjalik yurituvchi 
subyektlar birlashmalarini tashkil etishga, xoʻjalik yurituvchi subyektlarni 
qoʻshib yuborishga, qoʻshib olishga oldindan rozilik berish tartibi 
toʻgʻrisida”gi nizomlar bu borada muhim qonunosti hujjatlaridandir.