Toshkent davlat yuridik universiteti

Hududlar 
va 
joylarni 
ko‘zdan 
kechirish. 
Mol-mulkni 
inventarizatsiyadan o‘tkazish
Soliq tekshiruvini o‘tkazayotgan davlat soliq xizmati organining 
mansabdor shaxslari, zarurat bo‘lganda, tadbirkorlik subyekti tomonidan 
daromadlar olish uchun foydalanilayotgan yoki soliq solish obyektlari 
bilan bog‘liq hududlarni, ishlab chiqarish, omborxona, savdo binolarini 
hamda boshqa binolar, shu jumladan joylarni ko‘zdan kechirishi, 
shuningdek, tadbirkorlik subyektining mol-mulkini inventarizatsiyadan 
o‘tkazishi mumkin. Ko‘zdan kechirish o‘tkazilayotganda soliq tekshiruvi 
qaysi shaxsga nisbatan amalga oshirilayotgan bo‘lsa, o‘sha shaxs yoki 
uning vakili qatnashishga haqli. Ko‘zdan kechirish o‘tkazilayotganda zarur 
hollarda foto va kinosuratga olinishi, videoyozuvga tushirilishi, 
hujjatlardan ko‘chirma nusxalar olinishi mumkin, bu haqida bayonnomada 
ko‘rsatiladi.
Tadbirkorlik subyekti davlat soliq xizmati organining mansabdor 
shaxslarini quyidagi hollarda soliq tekshiruvini o‘tkazish uchun hududga 
va joylarga qo‘ymaslikka haqli, agar: 

 
tekshirishni boshlash uchun asos bo‘ladigan tegishli hujjatlar 
topshirilmagan yoki belgilangan tartibda rasmiylashtirilmagan bo‘lsa; 

 
tekshiruvchi mansabdor shaxs tekshiruvni tayinlash to‘g‘risidagi 
buyruqda 
ko‘rsatilmagan, 
o‘zining 
xizmat 
guvohnomasini 
va 
tekshirishlarni o‘tkazishga ruxsat berilganligi to‘g‘risidagi maxsus 
guvohnomasini ko‘rsatmagan bo‘lsa;

 
soliq tekshiruvini o‘tkazishning buyruqda ko‘rsatilgan muddatlari 
boshlanmagan yoki o‘tib ketgan bo‘lsa; 

 
tekshiruvchi mansabdor shaxs tekshiruvlarni qayd etish daftarini 
to‘ldirishdan bosh tortsa. 
Soliq tekshiruvlarini o‘tkazish vaqtida mol-mulkni inventarizatsiyadan 
o‘tkazish buxgalteriya hisobi to‘g‘risidagi qonun hujjatlariga muvofiq 
amalga oshiriladi.