Toshkent davlat yuridik universiteti

NAZORAT UCHUN SAVOL VA TOPSHIRIQLAR 
1.
Tadbirkorlik faoliyatining boshqa faoliyat turlaridan farqli 
jihatlarining huquqiy asoslarini tushuntiring. 
2.
Tadbirkorlik faoliyatini amalga oshirishda huquqiy manbalar yoki 
Oliy Sud Plenumi qarorlari qo‘llanilishini tushuntiring. 
3.
“Sardor” MChJ iqtisodiy sudga da’vo arizasi bilan murojaat qilib, 
uning sobiq rahbari “Shahlo” xususiy korxonasi bilan MTZ
–
80 rusumli 
traktorning bozor bahosini aniqlamasdan oldi-sotdi shartnomasini 
tuzganligini bildirib, “Sardor” MChJ va “Shahlo” xususiy korxonasi 
o‘rtasida 2017-yil 3-noyabrda tuzilgan 12-son shartnomani bekor qilishni 
so‘ragan.
Sud “Sardor” MChJning da’vo arizasini va unga ilova qilingan 
hujjatlarni o‘rganish davomida “Sardor” MChJ tomonidan nizoni sudgacha 
hal qilish (talabnoma yuborish) tartibiga rioya etilmaganligini aniqlagan. 
Vaziyatga huquqiy baho bering. 
4.
“Saxovat” xususiy korxonasi va “Marat biznes” MChJ o‘rtasida 
2014-yil 25-dekabrda 2-son mulk ijarasi shartnomasi tuzilgan, uning 1.2-
bandiga ko‘ra “Saxovat” xususiy korxonasi Jizzax shahar A. Qodiriy 
ko‘chasi 14-uy manzilida joylashgan, umumiy maydoni 263,0 kv.m.dan 
iborat binoni idora ofisi sifatida ishlatish uchun 1 yil muddatga “Marat 
biznes” MChJga ijaraga topshirishi, “Marat biznes” MChJ esa ijara haqini 
belgilangan muddatda to‘lab borishi belgilangan. 
“Marat biznes” MChJ ijara haqi o‘z vaqtida to‘lamaganligi uchun 
kuniga 0,5 foiz penyani “Saxovat” xususiy korxonasiga to‘lashi kerak. 
O‘zaro tuzilgan shartnomaning 6.3-bandida uchun Fuqarolik kodeksining 
326-moddasi hamda Oliy xo‘jalik sudi Plenumining 2007-yil 15-iyundagi 
163-son qarorining 4-bandida belgilangan tartib-qoidalar qo‘llanilmasligi, 
ya’ni amalda qancha penya hisoblangan bo‘lsa, shuncha penya undirilishi 
haqida yozilgan. 
Shu sababli “Marat biznes” MChJ sudga ariza bilan murojaat qilib, 
o‘zaro tuzilgan shartnomaning 6.3-bandini haqiqiy emas deb topishni 
so‘ragan. 
Yuqoridagi holatga huquqiy baho bering.

---

30