Тошкент давлат юридик университети

VIII. БАҲОЛАШ ТИЗИМИ


A. Баҳолаш
1) Оралиқ назорат – 50 %, ўз ичига:
− Семинарларда фаол иштироки – 10%;
− Коллоквиум (20%) - саволлар орқали тегишли мавзулар бўйича оғзаки савол-жавоб. Саволлар таҳлилий характерда бўлади, бирламчи ва бошқа турдаги манбалардан фойдаланиш мумкин.
– Ёзма топшириқлар (20%) - казус ечиш, жадвал, схема, глоссарий тузиш, ҳужжат лойиҳасини тайёрлаш. Топшириқлар аудиториядар ташқарида бажарилади;
2) Якуний назорат (ёзма жавоб бериш) – 50%. Модуль давомида олинган билим ва кўникмаларни даражасини баҳолаш учун якуний назорат 120 дақиқа давом этадиган ёзма имтиҳон шаклида бўлиб ўтади. Билетлар асосида назарий саволлар (таклиф қилинган 4 тадан биттасини танлаш) ва ечиш учун 1 та амалий масала ёки кейс берилади. Саволлар баёний эмас, таҳлилий ёндашувни, чуқур билим ва назарий тушунишни, ҳужжатларнинг асосий қоидалари ва ҳуқуқий амалиётда муайян вазиятга баҳо бериш кўникмаларини талаб этади.

В. Баҳолаш

Даража (Белги)	Баллар (Фоиз)	Тавсифи	Изоҳ
A	100–93	Жуда аъло	Мустақил фикрлаш ва танқидий мулоҳазани ўзида ифодалаган мукаммал иш. Савол юқори савияда тадқиқ этилиб, тизимли ва тўлиқ асосли тўғри жавоб берилган. Ишда мавзунинг тўлиқ моҳияти, талқиннинг пухталиги, тадқиқотнинг зарур даражада танқидий баҳоланиши ўзига хос тарзда ифодаланган. Қўйилган масалалар талаба томонидан тегишли методология, услуб ва маълумотлар манбаларидан фойдаланилган ҳолда, ишончли далиллар асосида очиб берилган. Иш грамматик хатолардан ҳоли ва ўзига хос мустақил усулда мукаммал ёзилган. Мулоҳазалар етарли даражада ривожлантирилган бўлиб, таҳрирга муҳтож бўлмаган мукаммал иш саналади.