Toshkent davlat yuridik universiteti

Yer  kodeksining  36-moddasida
 
ko‘rsatilgan.  
 
Yerga  egalik  qilish  va  undan  foydalanish  huquqini  bekor  qilish 
deganda  foydalanish  uchun  berib  qo‘yilgan  yer  uchastkalarini  tegishli 
davlat  organlari  tomonidan  qaytarib  olish  va  shu  yer  uchastkasini 
bundan  keyin  o‘sha  foydalanuvchi  ishlata  olish  huquqiga  ega  emasligi 
tushuniladi.   
 
Foydalanish uchun berib qo‘yilgan yer uchastkalarini qaytarib yoki 
tortib  olish,  yoxud  boshqacha  qilib  aytganda  yerga  egalik  qilish  va 
undan  foydalanish  huquqini  bekor  qilish  vakolati  faqat  tegishli 
hokimliklarga berilgan.  
  O‘zbekiston  Respublikasi  Yer  kodeksida  yerga  egalik  qilish  va 
undan  foydalanish  huquqi  qanday  asoslar  bo‘lganda  bekor  qilinishi 

---

61 
 
mumkinligi  sanab  o‘tilgan.Ana  shu  asoslar  yuz  bergandagina 
hokimliklar  o‘z  vakolatlari  doirasida  yerga  egalik  qilish  va  undan 
foydalanish huquqini bekor qilishi mumkin.  
  Yerga  egalik  qilish  va  undan  foydalanish  huquqini  bekor  qilish 
asoslaridan  birinchisi  sifatida  yer  uchastkasidan  ixtiyoriy  voz  kechish 
belgilangan.  Yer  uchastkasidan  ixtiyoriy  voz  kechish  yerdan 
foydalanuvchilar  tashkilotlar,  korxonalar,  muassasalar,  ijarachilar, 
fuqarolar 
tomonidan 
amalga 
oshiriladi. 
Yer 
uchastkalarini 
foydalanishdan  ixtiyoriy  voz  kechish  uchun  har  xil  sabablar:  tuproq 
unumdorligining  pasayib  ketishi,  yerdan  foydalanishning  samarasizligi, 
yerdan  foydalanuvchining  imkoniyatlarining  etishmasligi  va  boshqalar 
bo‘lishi mumkin.  
  Yer  uchastkasidan  ixtiyoriy  voz  kechilganda  bu  haqda  tegishli 
hokimlikka murojaat qilinadi.  
  Yer uchastkasi berilgan muddatning tugaganligi yerga egalik qilish 
va  undan  foydalanish  huquqini  bekor  qilish  uchun  asoslardan  biri 
hisoblanadi.  Ma’lumki,  yer  bemuddat  hamda  muddatli  foydalanish 
uchun  beriladi.  Masalan,  yer  ijara  asosida  yoxud  vaqtincha  foydalanish 
uchun  berilganda  ma’lum  muddatga  beriladi.  Bu  muddat  tomonlarning 
kelishuviga binoan 10 yil, 50 yil bo‘lishi mumkin. Ana shu muddatning 
tugashi  yerga  egalik  qilish  va  undan  foydalanish  huquqini  bekor  qilish 
uchun asos bo‘ladi.  
  Korxona,  muassasa,  tashkilotning  faoliyati  to‘xtaganligi  oqibatida 
ham  yerdan  foydalanish  huquqi  bekor  qilinadi.  Berilgan  yer  uchastkasi 
uni bergan organ tomonidan qaytarib olinadi.   
  Ma’lumki,  shartnoma  shartlari  buzilganda  yerni  ijaraga  berish 
shartnomasi  shu  yer  uchastkalarini  ijaraga  bergan  hokimlik  tomonidan 
bir  tomonlama  bekor  qilinishi  mumkin.  O‘z-o‘zidan  ravshanki, 
shartnoma  bekor  qilinganda  yerdan  foydalanish  huquqi  ham  bekor 
qilinadi.  
  Yer  uchastkalari  har  bir  yerdan  foydalanuvchiga  hoh  u  qishloq 
xo‘jalik korxonasi bo‘lsin, yoxud sanoat korxonasi bo‘lsin, belgilangan 
maqsad  yo‘lida  beriladi.  Masalan,  qishloq  xo‘jalik  korxonalariga  yerlar 
qishloq xo‘jalik mahsulotlari yetishtirish uchun beriladi.