Toshkent davlat yuridik universiteti

13-BOB. TABIATNI MUHOFAZA QILISH, 
SOG‘LOMLASHTIRISH, REKREATSIYA VA TARIXIY- 
MADANIY AHAMIYATGA MOLIK YERLARNING  
HUQUQIY HOLATI 
 
Muhofaza 
etiladigan 
hududlar 
yerlari 
huquqiy 
holatining 
tushunchasi  va  o‘ziga  xos  xususiyatlari.  Tabiatni  muhofaza  qilish 
maqsadlariga mo‘ljallangan yerlarning huquqiy holati. Sog‘lomlashtirish 
maqsadlariga  mo‘ljallangan  yerlarning  huquqiy  holati.  Rekreatsiya  va 
tarixiy-madaniy ahamiyatga molik yerlarning huquqiy holati.  
 
Muhofaza etiladigan hududlar yerlari huquqiy holatining 
tushunchasi va o‘ziga xos xususiyatlari 
 
Muhofaza  etiladigan  hududlarning  yerlari
  respublikamiz  yer 
fondi tizimida alohida va mustaqil toifani tashkil etadi (Yer kodeksining 
8-moddasi).  Ushbu  toifa  yerlari  tarkibi  tabiatni  muhofaza  qilish 
maqsadlariga  mo‘ljallangan  yerlar;  sog‘lomlashtirish  maqsadlariga 
mo‘ljallangan  yerlar;  rekreatsiya  maqsadlariga  mo‘ljallangan  yerlar; 
tarixiy-madaniy ahamiyatga molik yerlardan iborat bo‘lib, ularning jami 
maydoni  75,9  ming  gani  yoki  umumiy  yer  fondining  0,17%  ini  tashkil 
etadi.  
 
Muhofaza  etiladigan  hududlar  va  muhofaza  etiladigan  hududlar 
yerlari  tushunchalarini  bir  xilda  tushunish  uncha  to‘g‘ri  emas.  Chunki 
muhofaza  etiladigan  hududlar  tushunchasiga  shu  maqsadlarga  ajratib 
byerilgan  yer  uchastkalaridan  tashqari  suv  kengliklari  (akvatoriyalar),  
baliq xo‘jaligi tegralari, sharsharalar va boshqalar ham kiradi.  
 
Demak,  muhofaza  etiladigan  hududlar  tushunchasi  shu  hududlar 
yerlari  tushunchasidan  ancha  kengdir.  Ammo,  shuni  ta’kidlash  joizki, 
muhofaza  etiladigan  hududlardagi  suv  kengliklari,  sharsharalar,  boshqa 
suv  yoki  o‘simlik  bilan  qoplangan  hududlar  ham  shu  hududlar 
yerlarining  tarkibiy  qismini  tashkil  etadi  yoxud  suv  yoki  o‘simlik  bilan 
qoplangan  hududlar  ham  yer  fondi  toifasiga  kiritiladi  (masalan,  suv 
fondi  yerlarini  suv  bilan  qoplangan  va  suv  bilan  qoplanmagan  yerlar, 
o‘rmon  fondi  yerlarini  o‘rmon  bilan  qoplangan  va  o‘rmon  bilan 
qoplanmagan  yerlar  tashkil  etadi).  Shu  jihatdan  qaraganda  muhofaza 

---

192 
 
etiladigan  hududlar  va  muhofaza  etiladigan  hududlar  yerlari  bir  xil 
ma’noni beradi deb tushunish ham mumkin.