Toshkent davlat yuridik universiteti

5- BOB. YER FONDI DAVLAT BOSHQARUVI  
 
Yer  fondining  davlat  boshqaruvi  tushunchasi,  xususiyatlari  va 
tizimi. Yer fondining davlat boshqaruv organlari tizimi. Yer fondi davlat 
boshqaruv organlarining vakolatlari. 
 
Yer fondining davlat boshqaruvi tushunchasi,  
xususiyatlari va tizimi 
 
Yer  fondini  idora  etish  davlat  organlari  tomonidan  yerni  muhofaza 
qilish  va  undan  foydalanishni  tashkil  qilishda  namoyon  bo‘ladi  va 
jamiyatda  ijtimoiy  boshqaruvning  tarkibiy  qismi  hisoblanadi.  Yer 
fondini  davlat  tomonidan  idora  etish  ekologiya  sohasida  davlat 
boshqaruvini  ajralmas  qismi  sanaladi    va  u  davlatning  ekologik 
vakolatini  va  ekologik  siyosatini  amalga  oshirish  vositalaridan  biridir. 
Ushbu  boshqarishni  tashkil  etishdan  maqsad  yer  fondini  va  tabiatni 
muhofaza qilish hamda yerdan oqilona foydalanishni taminlashdir.  
Yer  fondini  davlat  boshqaruvi  orqali  davlat  yerning  mulkdori 
sifatida undan foydalanishni tashkil etish maqsadida  yerni tasarruf etish 
huquqini amalga oshiradi.