Toshkent davlat yuridik universiteti

Shahar  va  posyolkalar  yer  tarkibining  ikkinchi  turi  umumiy 
foydalaniladigan  yerlardir. 
Bu  turdagi  yerlarga  maydonlar,  ko‘chalar, 
tor ko‘chalar, yo‘llar, sohil bo‘yi ko‘chalari, aholining madaniy-maishiy 
ehtiyojlarini  qondirish  va  dam  olish  uchun  foydalaniladigan  bog‘lar, 
hiyobonlar  egallagan  yerlar,  kommunal-maishiy  ahamiyatga  molik 
yerlar, ya’ni qabristonlar, chiqindilarni zararsizlantirish joylari kiradi.  
Yer  kodeksida  belgilanishicha  (56-modda),  aholi  punktlarining 
umumiy foydalanishdagi yerlari yuridik va jismoniy shaxslarga biriktirib 
qo‘yilmaydi,  bu  yerlar  bevosita  shahar,  tuman  davlat  hokimiyati 
organlarining  ixtiyorida  bo‘ladi.  Umumiy  foydalanishdagi  yerlarda  bu 
yer qaysi maqsadga xizmat qilsa, faqat shunga mos keladigan imorat va 
inshootlar  qurishga  ruxsat  byeriladi.  Shuningdek,  bu  yerlardan  tuman 
yoki shahar hokimining qaroriga asosan yuridik shaxslar va fuqarolarga 

---

169 
 
engil imoratlar, ya’ni savdo chodirlari, do‘konchalar, reklama inshootlari 
qurish  uchun  vaqtincha  foydalanishga  ijara  shartlari  asosida  yer 
uchastkalari byerilishi mumkin.  
 
Shaharsozlik talablari va qoidalarida aholi punkti hududlari ulardan 
foydalanish  ustuvorligini  hisobga  olib  obod,  ishlab–chiqarish  va 
manzara  dam  olish  qismlariga  bo‘lingan. 
Obod  hudud
  turar  joy 
qurilishi,  jamoatchilik  bino  va  inshootlari,  shu  jumladan  ilmiy  tadqiqot 
institutlari  va  ularning  majmualari,  ko‘chalar,  maydonlar,  parklar  va 
umumiy  foydalanish  joylari,  shuningdek,  sanitar–ixota  zonalarini 
yaratishni  talab  etmaydigan  ba’zi  kommunal  va  sanoat  ob’ektlarini 
joylashtirish  uchun  mo‘ljallangan  bo‘ladi.