Toshkent davlat yuridik universiteti

Yerdan foydalanish huquqi mazmuni 
 
 
Yer  egasi,  yerdan  foydalanuvchi,  ijarachi  va  yer  uchastkasi 
mulkdorining  yerdan  foydalanishga  oid  huquq  va  majburiyatlari 
yig‘indisi yerdan
 foydalanish huquqi mazmunini
 tashkil etadi.  
  Yer  resurslaridan  samarali,  oqilona  foydalanish  hamda  ularni 
muhofaza  qilish  ko‘p  jihatdan  yer  egalari  va  yerdan  foydalanuvchi 
sub’ektlarning yerdan foydalanish bo‘yicha qonunda belgilangan huquq 
va  majburiyatlariga  qanchalik  og‘ishmay  rioya  qilishlari,  ularni 
bajarishlariga  bog‘liq  bo‘ladi.  Yoxud,  yer  egalari  va  yerdan 
foydalanuvchilarning  yer  munosabatlarini  tartibga  soluvchi  qonun 
normalariga  og‘ishmay  itoat  etishlari,  ularni  to‘la  ijro  qilishlari  yerdan 
maqsadga  muvofiq  foydalanish  hamda  muhofazasini  ta’minlashga 
xizmat qiladi.  
  Yer  egasi,  yerdan  foydalanuvchi,  ijarachi  va  yer  uchastkasi 
mulkdorining  huquq  va  majburiyatlari  O‘zbekiston  Respublikasining 
Yer  kodeksi,  “Fermer  xo’jaligi  to‘g‘risida”gi,  “Dehqon  xo‘jaligi 
to‘g‘risida”gi,  “Ijara  to‘g‘risida”gi,  “Qishloq  xo‘jalik  kooperativlari 
(shirkat xo‘jaligi) to‘g‘risida”gi, qonunlari va boshqa me’yoriy hujjatlar 
bilan  tartibda  solinadi.  Ushbu  qonunlar  normalaridagi  asosiy  talablar 
yerdan  ilm-fan  tavsiyalari  asosida  foydalanish,  yerdan  kelajak  avlod 
manfaatlarini  ham  inobatga  olib  foydalanish,  yerdan  aniq  belgilangan 
maqsad 
asosida 
foydalanish, 
yerni 
ishdan 
chiqarmaslik, 
ifloslantirmaslik, yerdan xalq farovonligi yo‘lida, mamlakat iqtisodiyoti 
barqarorligini ta’minlash yo‘lida foydalanishdan iboratdir.  
  Yer  egalari,  yerdan  foydalanuvchi,  ijarachi  va  yer  uchastkasi 
mulkdorining  huquqlari