Toshkent davlat yuridik universiteti

Davlat  o‘rmon  fondi  uchastkalari  - 
davlat  o‘rmon  fondi 
uchastkalari davlat o‘rmon fondining bir qismi bo‘lib, ularning muayyan 
chegarasi,  maydoni,  joylashgan  manzili,  huquqiy  rejimi  qayd  etilgan 
hamda chizma-kartografik materiallarda ko‘rsatilgan bo‘ladi.  
O‘rmonlar  bilan  qoplangan  barcha  maydonlar  o‘rmon  fondiga 
kiritilar  ekan,  qonunchilik  ba’zi  bir  istisnolarni  ham  ko‘rsatib  o‘tadi. 
Masalan,  dov-daraxtlar  bilan  qoplangan  quyidagi  maydonlar  o‘rmon 
tushunchasi va uning maqsadiga mos kelmasligi sababli o‘rmon fondiga 
kiritilmaydi. Bular 1) qishloq xo‘jaligiga mo‘ljallangan yerlardagi ihota 
daraxtlar  va  tup-tup  daraxtlar,  ekinzorlarning  ihota  daraxtzorlari, 
shuningdek,  boshqacha  daraxtzorlar  va  butazorlar;  2)  temir  yo‘l, 
avtomobil  yo‘llari,  kanallar  va  boshqa  suv  ob’ektlarining  ajratilgan 
mintaqalaridagi  ihota  daraxtzorlari;  3)  Shaharlar  va  boshqa  aholi 
punktlaridagi 
daraxtlar 
va 
tup-tup 
daraxtlar, 
shuningdek, 
ko‘kalamzorlashtirish  uchun  ekilgan  o‘simliklar;  4)  tomorqalardagi  va 
bog‘ uchastkalaridagi daraxtlar hamda tup-tup daraxtlar.