Toshkent davlat yuridik universiteti

NAZORAT SAVOLLARI: 
1.
 
Jizzax  viloyati  hududida  poezd  temir  yo‘l  izidan  chiqib  ketishi 
natijasida  zararlangan  vagonlardan  ko‘p  miqdorda  dizel  yoqilg‘isi  va 
fenol  moddasi  shu  atrofdagi  qo‘riqxona  hududiga  chiqib  ketdi.  Ushbu 
zararli  moddalar  yerni  zararlanishiga  va  zaharlanishiga  sabab  bo‘ldi. 
Yetkazilgan  zarar  miqdori  9.  000.  000  so‘m  miqdorida  baholandi. 
Tabiatni  muhofaza  qilish  davlat  qo‘mitasi  sudga  da’vo  bilan  murojaat 
etdi.  Sud  muhokamasi  davomida  taraflar  atrof  muhitga  yetkazilgan 
zararni bartaraf etish to‘g‘risida kelishuvga yerishdilar.  
 
Vaziyatga huquqiy baho bering. Sud qanday qaror qabul qiladi? 
 
2. “Nurota” kurort tabiiy hududida tarixan joylashgan bir necha son 
aholi  mavjud.  Kurort  tabiiy  hudud  rahbariyati,  aholini  kurort  tabiiy 
hududga  salbiy  ta’sir  ko‘rsatishini  vaj  qilib,  ularning  yer  uchastkasini 
davlat va jamoat ehtiyoji uchun olib qo‘yish lozimligi va aholini boshqa 
joyga  ko‘chirish  masalasini  ko‘rib  chiqish  uchun  viloyat  hokimiyati  va 
tabiatni muhofaza qilish organiga murojaat qiladi. Viloyat hokimiyati va 
tabiatni muhofaza qilish organi ushbu aholi bilan suhbatlashganda, aholi 

---

198 
 
vakillari  hech  qanday  zarar  yetkazmaganliklarini,  bu  yerda  tarixan 
istiqomat qilganliklarini va bu yerdan hech qayerga ketmasliklarini aytib 
o‘tdilar.  
 
Vaziyatga  huquqiy  baho  bering  va  muammoni  amaldagi  qonun 
hujjatlariga ko‘ra hal qiling. 
 
3.  Tabiatni  muhofaza  qilish,  sog‘lomlashtirish,  rekreatsiya  va 
tarixiy-madaniy  ahamiyatga  molik  yerlar  mamlakatimiz  yer  fondi 
tarkibida o‘ziga xos huquqiy maqomga ega.   
yer  fondining  ushbu  toifasi  qanday  o‘ziga  xos  xususiyatlari  bilan 
ajralib turadi? 
 
4.  O‘zbekiston  Respublikasining  “Muhofaza  etiladigan  tabiiy 
hududlar to‘g‘risida”gi qonuni ushbu toifa yerlarning huquqiy maqomini 
belgilashda alohida ahamiyatga ega.  
Muhofaza  etiladigan  tabiiy  hududlar    va  ularning  yerlari  huquqiy 
holati o‘rtasida farq bormi?