Toshkent davlat yuridik universiteti

 
NAZORAT SAVOLLARI: 
 
1.  “Zarbdor  dehqon”  shirkat  xo‘jaligi  a’zosi  G‘oziev  F.  ning  oilasi 
shirkat  xo‘jaligi  boshqaruvi  nomiga  ariza  bilan  murojaat  etib,  oila 
pudrati  asosida  yer  olish  maqsadida  tanlovda  ishtirok  etishni  bildirdi. 
Tanlov  natijasi  bo‘yicha  xo‘jalik  boshqaruvining  qarori  chiqariladi. 
Unga  ko‘ra  G‘oziev  F.  ning  oilasiga  shirkat  xo‘jaligi  yer  maydonidan 
oilaviy  pudratga  30  gektar  yer  uchastkasi  paxta  ekinini  yetishtirish 
uchun 5 yil muddatga berilishi ko‘rsatildi. Qishloq xo‘jaligi mahsulotini 
yetishtirish  bo‘yicha  oila  (jamoa)  pudrati  shartnomasi  tuzildi  va  shirkat 

---

158 
 
xo‘jaligi  raisi  hamda  oila  boshlig‘i  G‘oziev  F.  tomonidan  imzolandi. 
G‘oziev  pudratga  berilgan  yer  uchastkasining  0,5  gektariga  poliz 
ekinlarini  ekdi.  20  sotix  yerga  dala  shiyponi,  mineral  o‘g‘itlar  uchun 
omborxona  qurib  oldi.  Shundan  so‘ng,  shirkat  raisiga  ishlab  chiqarish 
sharoitlari o‘zgarganligini, ya’ni paxta ekini maydoni qisqarganligini vaj 
keltirib,  shartnoma  shartlarini  ham  o‘zgartirishni  taklif  qildi. 
G‘ozievning  xarakatlaridan  xabar  topgan  rais  uni  noqonuniy  deb 
hisoblab,  noqonuniy  qurilgan  inshoatlarni  buzishni,  poliz  ekinlari 
ekilgan yerni xaydab ularni o‘rniga  paxta ekini ekishni talab qildi.  Aks 
holda  pudrat  shartnomasini  bekor  qilish  uchun  sudga  murojaat  etishini 
ma’lum qildi.  
 
Vaziyatga huquqiy baho bering.  
 
2.  Qashqadaryo  viloyat  xokimligiga  “Qishloq  qurilish  invest” 
injiniring  kompaniyasi  murojaat  etib,  Muborak  tumani  xududidan  1  g. 
yer maydonini 10 ta yakka tartibda uy-joy qurish uchun ajratishni taklif 
etdi.  Viloyat  xokimligi  tuman  xokimligiga  ushbu  taklifni  bajarish 
yuzasidan  ko‘rsatma  berdi.  Unda  yakka  tartibda  uy-joy  qurish  uchun 
ajratiladigan  1  g.  yer  uchastkasining  joylashishidagi  noqulayliklarni 
bartaraf etgan holda yer egalarining yangi yer uchastkalarini tashkil etish 
hamda  mavjud  yer  uchastkalarini  tartibga  solish  loyihalarini  tuzish 
ko‘rsatildi.  Tuman  xokimligi  ushbu  ko‘rsatmani  ijro  etish  maqsadida 
“Ilg‘or” fermer xo’jaligi yeridan 1 g. yer uchastkasi ajratdi va ushbu yer 
uchastkasini  fermer  xo’jaligi  balansidan  chiqarib  tashladi.  Tegishlicha, 
xo‘jalikni kontraktatsiya shartnomasiga ham o‘zgartirish kiritilib, uning 
majburiyati  kamaytirildi.  Shunday  bo‘lsada,  fermer  xo’jaligi  boshlig‘i 
Axadov  Ch.  tuman  xokimining  qaroridan  norozi  bo‘lib,  viloyat 
xokimligiga  shikoyat  bilan  murojaat  qildi.  Viloyat  xokimligi 
Axadovning shikoyatini o‘rganishni xokimlik  yuristiga topshirdi.  
 
Holatga huquqiy baho bering.  
 
3.  Qishloq  xo‘jaligiga  mo‘ljallangan  yerlar  yer  fondining  alohida 
mustaqil  toifasini  tashkil  qilib,  bu  yerlar  -  qishloq  xo‘jaligi  ehtiyojlari 
uchun berilgan yoki ana shu maqsadga mo‘ljallangan yerlardan iborat.  
Qishloq  xo‘jaligiga  mo‘ljallangan  yerlar  qanday  tarkibga  ega, 
sug‘oriladigan  yerlar  va  alohida  qimmatga  ega  bo‘lgan  unumdor 

---

159 
 
sug‘oriladigan  yerlar  deganda  nimani  tushunasiz  va  qonunchilik  bu 
yerlarni muhofazasi bo‘yicha qanday tartibni belgilaydi? 
4.  Qonunchilik  yer  toifalari  orasida  eng  qimmatli  hisoblangan 
qishloq  xo‘jaligiga  mo‘ljallangan  yerlardan  foydalanish  sohasida  yer 
egalari,  yerdan  foydalanuvchilar  va  ijarachilarning  majburiyatlarini 
o‘rnatadi.  
      Qishloq  xo‘jaligiga  mo‘ljallangan  yerlardan  foydalanish 
sohasida  yer  egalari,  yerdan  foydalanuvchilar  va  ijarachilarning 
majburiyatlari  nimalardan  iborat,  majburiyatlarni  bajarilmasligi 
qanday oqibatlarni keltirib chiqaradi?