Тошкент давлат юридик университети

 
Ekologiya sohasidagi munosabatlarni Ekologiya kodeksi vositasida 
tartibga soluvchi davlatlardan yana biri
Kot d’Ivuar
Respublikasi 
hisoblanadi. Kot d’Ivuar Respublikasida 1996 yil 3 oktyabrda Atrof muhit 
kodeksi qabul qilingan bo‘lib, u hajman kichik, ya’ni 6 bo‘lim va 113 
moddadan tashkil topgan. Guvohi bo‘lganimizdek, Kot d’Ivuarning Atrof 
muhit kodeksi o‘ta oddiy bo‘lib, qismlarga ajratilmagan, balki to‘g‘ridan 
to‘g‘ri bir qancha bo‘limlardan tashkil topgan. Xususan, kodeksdagi asosiy 
tushunchalar, uning maqsad va amal qilish doirasi (1-bo‘lim), muhit (2-
bo‘lim), umumiy prinsiplar (3-bo‘lim), davlat va mahalliy hokimiyat 

---

357 
organlarining majburiyatlari (4-bo‘lim), javobgarlik (5-bo‘lim), yakuniy 
qoidalar (6-bo‘lim).
Ushbu kodeksda atrof tabiiy muhitga zarar keltirishi mumkin bo‘lgan 
mahsulot va faoliyatni reklama qilishning ta’qiqlanishi (9-modda), 
energiyaning xilma-xil turlaridan foydalanishni rag‘batlantirish (7-modda), 
atrof tabiiy muhitni va aholini shovqin va zararli tovushlar ta’siridan 
muhofaza qilish (29-32-moddalar) kabi qoidalarni ko‘zda tutuvchi 
normalar belgilangan.
Qozog‘iston Respublikasi Ekologiya kodeksi
9 bo‘lim, 47 bob va 
326 moddadan tashkil topgan. U o‘zida “Atrof muhitni muhofaza qilish 
to‘g‘risida”, “Ekologik ekspertiza to‘g‘risida”, “Atmosfera havosini 
muhofaza qilish to‘g‘risida”gi qonunlarni jamlagan. Ta’kidlash joizki, 
kodifikatsiyalash uchun hujjatlarni tanlashda alohida izchillik, ketma-
ketlik kuzatilmaydi. Xususan, Qozog‘iston Ekologiya kodeksida 
kodifikatsiyalanmagan “Alohida muhofaza etiladigan tabiiy hududlar 
to‘g‘risida”gi qonun hali ham amal qilmoqda. Shunga ko‘ra, Ekologiya 
kodeksining 
qabul qilinishi Qozog‘istonning amaldagi ekologik 
qonunchiligi hajmini salmoqli qisqartirmadi. Boshqacha aytganda, hozirda 
Qozog‘iston Respublikasida Ekologiya kodeksi bilan bir qatorda Yer, Suv 
va O‘rmon kodekslari hamda bir qator qonunlar amal qilmoqda.
Ekologiya kodeksida unda va atrof tabiiy muhitni muhofaza qilish 
sohasidagi boshqa qonunlar bilan qarama-qarshilik kelib chiqqan taqdirda 
EK qoidalari qo‘llanilishi mustahkamlangan (2-modda uchinchi qismi). 
QR EK kodifikatsiyaning umumiy kamchiliklariga qaramay, ko‘p jihatdan 
ekologik qonunchilikni yangiladi: ekologik qonunchilikni huquqiy 
tushunish uchun zamin hozirladi, ekologik qonunchilikni ushbu 
munosabatlarni tartibga solishning Yevropa va xalqaro andozalariga 
moslashtirdi, qonunchilik texnikasini o‘zgartirdi, bir qator yangi huquqiy 
tushunchalar va zamonaviy huquqiy institutlarni joriy etdi
128
.