Тошкент давлат юридик университети

 
3. 
Toshkent shahrida joylashgan farmatsevtika zavodida faoliyat 
yurituvchi bosh injener A. ning harakatlari yuzasidan qo‘zg‘atilgan jinoyat 
ishini ko‘rib chiqish jarayonida Toshkent shahar jinoyat ishlari bo‘yicha 
sudida uning zavod binosida inson salomatligiga uchun zararli bo‘lgan 
havoni ifloslantirishga oid qilmishini atrof tabiiy muhitni muhofaza qilish 
qoidasini buzish yoki mehnatni muhofaza qilish qoidasini buzish sifatida 
baholash yuzasidan savol tug‘ildi.
Vaziyatga huquqiy baho bering.
4. 
Fuqarolar M. va J. Jizzax viloyati Zomin tumanida joylashgan 
davlat qo‘riqxonasiga tegishli ruxsatnoma asosida kirib, ushbu 
qo‘riqxonadan yovvoyi kaklikni tutib olishadi va belgilangan tartibda haq 
to‘lab, qo‘riqxona hududidan olib chiqib ketishadi. Keyinchalik 
tutqunlikda saqlanayotgan qushni fuqaro M. o‘z qo‘shnisi S. ga sotadi 

---

28 
hamda S. qushni olib ketayotgan vaqtda tabiatni muhofaza qilish xodimlari 
tomonidan qo‘lga olinadi va S. ga nisbatan huquqiy ta’sir chorasi 
qo‘llanilishini ma’lum qiladilar.
 
Vaziyatga huquqiy baho bering. 
 
2
-
 BOB. EKOLOGIYA HUQUQI MANBALARI, TAMOYILLARI 
VA TIZIMI 
Ekologiya huquqi manbalari uning huquqiy bazasi sifatida. Xalqaro 
konvensiya va shartnomalar ekologiya huquqining manbai sifatida. 
Ekologiya huquqi tamoyillari. Ekologiya huquqining tizimi 
 
Ekologiya huquqi manbalari uning huquqiy bazasi sifatida 
Huquq manbai deganda, uni obyektiv ifodalash 
usullari 
tushuniladi. 
Huquqning 
obyektiv 
ifodalanishi normativ huquqiy hujjatlar vositasida amalga oshiriladi. 
 
Yodda saqlang! 
Ekologiya huquqi ham barcha huquq tarmoqlari qatori normativ 
huquqiy hujjatlarda ifodalanadi. Bu hujjatlar tabiiy resurslardan oqilona 
foydalanish va ularni muhofaza qilish sohasidagi munosabatlarni tartibga 
soladi.