Тошкент давлат юридик университети

BOB. EKOLOGIK EKSPERTIZA VA NAZORATNING 
HUQUQIY HOLATI 
 
Ekologik ekspertiza tushunchasi, maqsadi, tamoyillari va usullari. 
Ekologik ekspertiza turlari. Ekologiya nazoratining tushunchasi, maqsadi, 
vazifasi va usullari. Ekologiya nazoratining tizimi.
Ekologik ekspertiza tushunchasi, maqsadi, tamoyillari va usullari 
 
Ekspertiza (lot. “expertus” – tajribali) deganda mutaxassis (ekspert) 
tomonidan hal etish uchun fan, texnika, san’at sohasida maxsus bilim talab 
etiladigan masalaning hal etilishi tushuniladi. 
Ekologik ekspertiza ekologik huquqiy mexanizmning tarkibiy qismi 
sifatida atrof tabiiy muhitning barqarorligini saqlash, tabiiy boyliklardan 
unumli va samarali foydalanish va aholining ekologik xavfsizligini 
ta’minlashda muhim ahamiyatga egadir.
O‘zbekiston Respublikasining 2000-yil 25-mayda qabul qilingan 
“Ekologik ekspertiza to‘g‘risida”gi Qonuni 26-moddadan iborat bo‘lib, 
ushbu qonunda ekologik ekspertiza tushunchasi, amalga oshirish asoslari, 
shartlari va tartibi belgilab berilgan.
Esda tuting! Ekologik ekspertiza
– rejalashtirilayotgan yoki amalga oshirilayotgan xo‘jalik 
va boshqa xil faoliyatning ekologik talablarga muvofiqligini belgilash hamda ekologik ekspertiza 
obyektini ro‘yobga chiqarish mumkinligini aniqlashdir (“Ekologik ekspertiza to‘g‘risida”gi 
Qonunning 1-moddasi).

---

103 
Qonunda ekologik ekspertiza asosan ikki holatda berilgan:
1)
rejalashtirilayotgan yoki amalga oshirilayotgan xo‘jalik va boshqa 
xil faoliyatning ekologik talablarga muvofiqligini belgilash;
2)
ekologik ekspertiza obyektini ro‘yobga chiqarish mumkinligini 
aniqlash bilan bog‘langan.
Ekologik 
ekspertizaning 
huquqiy 
holati 
O‘zbekiston 
Respublikasining “Tabiatni muhofaza qilish to‘g‘risida”, “Ekologik 
ekspertiza to‘g‘risida”gi, “Ekologik nazorat to‘g‘risida”gi Qonunlarida, 
O‘zbekiston Respublikasi Ekologiya va atrof-muhitni muhofaza qilish 
davlat qo‘mitasi, O‘zbekiston Respublikasi Sog‘liqni saqlash vazirligining 
ekologik ekspertizani o‘tkazish tartibi to‘g‘risidagi me’yoriy hujjatlarida 
belgilangan.
Ekologik ekspertizaning