Тошкент давлат юридик университети ҳузуридаги илмий даражалар берувчи dsc

 
 
Р.Р.Хакимов 
Илмий даражалар берувчи Илмий 
кенгаш раиси, юридик фанлар доктори, 
профессор
И.Р.Беков 
Илмий даражалар берувчи Илмий 
кенгаш 
котиби, 
юридик 
фанлар 
номзоди, профессор в.б. 
М.А.Ахмедшаева 
Илмий даражалар берувчи илмий 
кенгаш ҳузуридаги Илмий семинар 
раиси, 
юридик 
фанлар 
доктори, 
профессор 

---

5 
КИРИШ (Фалсафа доктори (PhD) диссертация аннотацияси) 
Диссертация мавзусининг долзарблиги ва зарурати. Дунёда нодавлат 
нотижорат ташкилотлари «учинчи сектор» сифатида жамият ҳаётидаги 
ижтимоий, иқтисодий, экологик ва маданий-маърифий муаммоларни ҳал 
қилиш, жамоатчилик назоратини амалга ошириш орқали «эзгу бошқарув» 
концепциясини амалга ошириш, БМТнинг 2030 йилгача эришилиши лозим 
бўлган 17 та Барқарор ривожланиш мақсадлари ва уларга боғлиқ бўлган
169 вазифаларни бажаришда давлатга асосий кўмакчи сифатида 
белгиланган
1
. Мазкур вазифаларни бажариш зарурати айниқса COVID-19 
пандемияси вақтида жамиятнинг ижтимоий-иқтисодий ёрдамга муҳтож 
қатламларини қўллаб-қувватловчи волонтёрлик ҳаракатлари шаклида 
ўзининг самарадорлигини кўрсатди.
Жаҳонда жамоатчилик назоратини таъминлаш, жамият ҳаётида нодавлат 
нотижорат ташкилотларининг иштироки масалалари юзасидан қатор илмий 
тадқиқотлар амалга оширилмоқда, жумладан фуқаролик жамияти 
институтларининг давлат органлари билан ўзаро муносабатлари нисбатини 
аниқлаш, жамиятни ижтимоий-иқтисодий ривожлантириш, жисмоний
ва юридик шахсларнинг ҳуқуқ ва қонуний манфаатларини ҳимоя қилиш 
воситаларини кенгайтириш, норматив-ҳуқуқий ҳужжат лойиҳаларини 
жамоатчилик экспертизасидан ўтказиш, уларнинг жамоатчилик билан 
маслаҳатлашув ва эшитувларини инновацион шакл ва усулларини ишлаб 
чиқиш, соҳага «ақлли бошқарув» концепцияларини жорий қилиш 
масалаларига муҳим илмий-амалий аҳамият касб этадиган тадқиқот 
йўналиши сифатида алоҳида эътибор қаратилмоқда. 
Республикамизда «Жамият – ислоҳотлар ташаббускори» деган янги 
ғояни ҳаётга татбиқ этиш йўлидаги устувор вазифаларни бажаришда 
нодавлат нотижорат ташкилотлари иштирокини таъминлаш, уларни давлат 
ҳокимияти билан мулоқотини кенгайтириш, «халқ дипломатияси» 
институтини ривожлантириш, жумладан мамлакатни нуфузли халқаро 
рейтингларда 
эгаллаган 
ўрнини 
яхшилашда 
нодавлат 
нотижорат 
ташкилотларининг имкониятларидан кенг фойдаланиш, давлат ҳокимияти 
органлари томонидан нодавлат нотижорат ташкилотларининг мустақиллиги 
ва улар фаолиятига аралашмаслик принципларига қатъий риоя қилиш бўйича 
кенг қамровли чора-тадбирлар амалга оширилмоқда. «Мамлакатнинг 
ижтимоий-иқтисодий ривожланиш жараёнларини тартибга солишда давлат 
иштирокини камайтириш, давлат бошқаруви тизимини марказлаштиришдан 
чиқариш ва демократлаштириш, давлат-хусусий шерикликни кенгайтириш, 
нодавлат, жамоат ташкилотлари ва жойлардаги ўзини ўзи бошқариш 
органларининг ролини ошириш»
2
масалалари устувор вазифа этиб 
белгиланган бўлиб, мазкур вазифалар ушбу соҳага замонавий ахборот 
1
 http://www.un.uz/uzb/pages/display/sdgs 
2
Ўзбекистон Республикаси Президентининг 2017 йил 7 февралдаги ПФ–4947-сон «Ўзбекистон 
Республикасини янада ривожлантириш бўйича Ҳаракатлар стратегияси тўғрисида»ги Фармони // 
Ўзбекистон Республикаси қонун ҳужжатлари тўплами, 2017 й., 6-сон, 70-модда. 

---

6 
технологияларини татбиқ қилиш ва бу борадаги қонунчиликни халқаро 
стандартларга мослаштиришни долзарб этиб белгиламоқда. 
Ўзбекистон Республикасининг «Нодавлат нотижорат ташкилотлари 
тўғрисида»ги Қонуни (1999), Ўзбекистон Республикаси Президентининг 
«Ўзбекистон Республикаси Президенти ҳузуридаги Жамоатчилик палатасини 
ташкил этиш тўғрисида»ги ПФ–5980-сон (2020) Фармони, Ўзбекистон 
Республикаси Президентининг «Мамлакатимизда ижтимоий-иқтисодий 
соҳадаги ислоҳотлар устидан жамоатчилик назорати самарадорлигини, 
шунингдек, фуқароларнинг демократик ўзгартиришлардаги фаоллигини 
оширишга оид қўшимча чора-тадбирлар тўғрисида»ги ПҚ–4473-сон (2019), 
«Фуқаролик жамияти институтларини ривожлантиришга кўмаклашиш 
борасидаги қўшимча чора-тадбирлар тўғрисида»ги ПҚ–2085-сон (2013) 
қарорлари ва мавзуга оид бошқа қонун ҳужжатларида белгиланган 
вазифаларни амалга оширишга ушбу диссертация тадқиқоти муайян 
даражада хизмат қилади.