Toshkent davlat yuridik universiteti shaxsiy rivojlanish

4.
 
“Yo‘q” degan so‘zni ishlating! 
“Yo‘q” degan so‘z ko‘p vaqt tejaydi. Shaxsiy vaqtni boshqarishda 
eng asosiy so‘z – baodob aytilgan “yo‘q” so‘zidir. Bajarishingiz shart 
bo‘lmagan talablarga nisbatan “yo‘q” deyishni o‘rganing. Xushmuomala 
bo‘ling va shunday rad etingki, buyurgan kishi sizning uni emas, 
topshiriqni rad qilayotganingizni tushunsin. 
Ish vaqtingiz va bo‘sh vaqtni nimaga sarflayotganingizni nazorat 
qiling. Vaqtingizni yeb yuboradigan mashg‘ulotlarni belgilang (masalan, 
hamkasblar bilan yangiliklar muhokamasi, televizor kanallarini 
maqsadsiz o‘zgartirish yoki ijtimoiy tarmoq va internet saytlaridagi 
behuda sayrlar). “Men endi hech qachon buni qilmayman” degan nom 
ostida shunday foydasiz mashg‘ulotlarning reytingini tuzing va 
maqsadingizga yaqinlashtirmaydigan, biror naf keltirmaydigan ishlarni 
ular safiga qo‘shing. 
5.
 
Oraliq vaqtdan foydalaning! 
Har bir kishida har kuni oraliq vaqt bo‘ladi. Undan o‘z maqsadingiz 
yo‘lida to‘g‘ri foydalanib ham sezilarli darajada ishlarni bajarishingiz 
mumkin. Shu vaqtda ham rejadagi ma’lum ishlarni amalga oshirib, 
vaqtdan anchagina yutish imkoniyatingiz bor. Buning uchun kunlik reja 
tuzayotganingizda oraliq vaqtda qanday ishlar qilishingizni belgilab 
oling. Shunda sizda asosiy strategik ahamiyatli vazifalaringizga ko‘proq 
vaqt qoladi. 

---

117 
6.
 
O‘z vaqtida dam oling! 
Kech soat 23 dan so‘ng uyquga ketishga odatlaning va 6-7 soat 
uyqudan so‘ng tonggi 5-6 dan kechikmasdan uyg‘onishga harakat qiling. 
Ertalabki badantarbiya bilan shug‘ullaning. Bu sizga kun davomida kuch 
bag‘ishlaydi va harakatlaringizning samarali bo‘lishiga zamin yaratadi.