Toshkent davlat yuridik universiteti mamasiddiqov muzaffarjon musajonovich esanova zamira normurotovna

Sudyalarning  mustaqilligi  va  ularning  faqat  qonunga  bo‘ysunishi 
prinsipi.  Mazkur  prinsip  O‘zbekiston  Respublikasi  Konstitutsiyasining  
112-moddasida,  FPKning  9-moddasida,  “Sudlar  to‘g‘risida”gi  Qonunda 
mustahkamlab  qo‘yilgan.  O‘zbekiston  Respublikasi  FPKning  9-moddasiga 
ko‘ra, fuqarolik  ishlari  bo‘yicha  odil  sudlovni  amalga  oshirishda  sudyalar 
mustaqildirlar va faqat qonunga bo‘ysunadilar. Sudyalarning odil sudlovni 
amalga  oshirish  borasidagi  faoliyatiga  biror-bir  tarzda  aralashishga  yo‘l 
qo‘yilmaydi  va  bunday  aralashuv  qonunga  ko‘ra  javobgarlikka  sabab 
bo‘ladi.  
O‘zbekiston  Respublikasi  Prezidentining  2016-yil  21-oktabrdagi  “Sud-

---

 
FUQAROLIK PROTSESSUAL HUQUQI  
 
 
huquq  tizimini  yanada  isloh  qilish,  fuqarolarning  huquq  va  erkinliklarini 
ishonchli  himoya  qilish  kafolatlarini kuchaytirish  chora-tadbirlari  to‘g‘risida”gi 
PF–4850-son,  2017-yil  7-fevraldagi  “O‘zbekiston  Respublikasini  yanada 
rivojlantirish  bo‘yicha  Harakatlar  strategiyasi  to‘g‘risida”gi  PF–4947-son  va 
2017-yil  21-fevraldagi  “O‘zbekiston  Respublikasini  sud  tuzilmasini  tubdan 
takomillashtirish  va  faoliyati  samaradorligini  oshirish  chora-tadbirlari 
to‘g‘risida”gi  PF–4966-son  Farmonlarining  qabul  qilinishi  sudyalarning 
mustaqilligini mustahkamlashda va ularning ijtimoiy jihatdan muhofaza qilishni 
kuchaytirishda, odil sudlovni sifatini oshirishda hamda sudya kadrlarni tanlash va 
ularni  tayinlash  (saylash)da,  sudyalikka  qo‘yilgan  talablarni    samarali  tizimini 
joriy etishda muhim ahamiyat kasb etdi.  
Sudyalarning  mustaqilligi  prinsipining  amal  qilishi  odil  sudlovning 
fuqarolar  huquq  va  qonuniy  manfaatlarini  himoya  qilishning,  ular  o‘rtasidagi 
nizolarni hal etishning samarali vositasi bo‘lib xizmat qiladi.